Yevropa Ittifoqi o‘zining butun hududida Wi-Fi tarmog‘ini yaratish uchun 120 million yevro sarflaydi

Yevropa Ittifoqi barcha a’zo mamlakatlar hududidagi jamoat joylarida simsiz bepul internet — Wi-Fi nuqtalarini yaratish uchun 120 million yevro yo‘naltiradi. Bu haqda «TASS»ga tayanib, «Daryo» xabar bermoqda.

2018 yildan boshlab Yevropa Ittifoqi hududidagi olti mingdan ortiq shahar va qishloqda joylashgan shifoxona, kutubxona va xiyobonlarda simsiz bepul internet terminallari paydo bo‘lishi ko‘zda tutilmoqda. Raqamli iqtisodiyot bo‘yicha yevrokomissar Mariya Gabrielning so‘zlariga ko‘ra, har bir hududning boshqaruvi birinchi navbatda qaysi joylarga internet terminali o‘rnatilishi kerakligini hal qiladi.

Tashabbus mualliflarining aytishicha, g‘oya birinchi navbatda bu xizmatni kichik qishloqlarga yetkazib berish jarayonini soddalashtirishdan iborat. Asosiy vazifa Yevropa Ittifoqining butun hududida raqamli notenglikni bartaraf etish hisoblanadi. “Zamin” yangiliklarini “Instagram”da kuzatib boring