Apple italiyalik modelyerlardan “Steve Jobs” brendini tortib ololmadi

Mana bir necha yildirki, mazkur brend nomi uchun bo’lgan kurash qizg’in tarzda davom etib kelayotgan edi.

Steve Jobs nomidagi italyan kompaniyasi amerikalik milliarder sharafiga qo’yilgan bo’lib, ushbu nomni qo’llash huquqini himoya qilmoqda. Apple korporatsiyasi esa italiyaliklardan ushbu huquqni tortib olish niyatida edi.

Steve Jobs kompaniyasi asoschilari Vinchentso va Jakomo Barbatolar bo’lib, ular zamonaviy liboslar yaratish bilan shug’ullanishadi. Apple kompaniyasi Stiv Jobsning ismidan foydalanmaslik va kompaniya timsoli bo'lmish "J" harfi chetidagi tishlangan olma ko’rinishini ishlatmaslik sababi bilan shikoyat qilishgan.

Oxir-oqibat bu ishga nuqta qo’yildi va Apple “Steve Jobs” nomini italiyalik modelyerlardan tortib ololmadi.

“Zamin”ni Telegramʻda oʻqing!