O‘tgan yili sentyabr oyida mamlakatimizda valyuta siyosatining liberallashtirilishi natijasida turli tovarlar va xizmatlarning narxida o‘sish holatlari kuzatildi. Faqatgina aloqa xizmatlari narxlari eski holicha qolgan edi.
Ammo shu yilning 20 yanvarida «Bilayn» kompaniyasi 2018 yil 1 fevralidan boshlab tarif rejalarining kunlik abonent to‘lovi oshirilishini ma’lum qildi. Unga ko‘ra, kunlik abonent to‘loviga ega tariflarda kunlik abonent to‘lovi o‘rta hisobda 66 foizgacha oshirilgan: «Bravo Online», «Bravo Vodiy» va «Bravo Ooo!» — 252,6 so‘mdan 420 so‘mga, «Zo'r-zo'r» «Mix», «Juda oddiy!» — 210,5 so‘mdan 350 so‘mga, «Yangi O!», «Qo‘shnilar+», «Klik» —168,4 so‘mdan 280 so‘mga.
Bu mobil aloqa xizmatlari narxining ko‘tarilishidagi dastlabki qadammi? Ko‘pchilikni tashvishlantiradigan savol. Sababi mamlakatimizda salkam 23 million kishi mobil aloqadan foydalanadi. Kundalik ehtiyojga aylangan bu xizmatning qimmatlashishi ijobiy holat emas, har holda. Ustiga-ustak, abonentlari soni bo‘yicha eng yirik kompaniya bu ishga qo‘l urdi. Qolaversa, «Bilayn» hozir faqat kunlik abonent to‘loviga ega tarif rejalari narxini oshirayotgan bo‘lsa, ertaga navbat abonent to‘lovi oylik to‘lanadigan tarif rejalariga kelmaydimi? Undan keyin so‘zlashuvning daqiqasi uchun to‘lovlar, mobil internet...
«Xabar.uz» muxbiri narxlar siyosati borasida boshqa kompaniyalar qanday niyatda ekani bilan qiziqdi.
«UMS» kompaniyasi vakili kompaniya abonentlar manfaatlarini o‘ylagan holda hamda mobil aloqa xizmatlari narxlari oshib ketishiga yo‘l qo‘ymaslik maqsadida tarif rejalari hamda xizmatlar uchun narxlarni o‘zgartirishni rejalashtirmayotganini ma’lum qildi. Hozirda kompaniya tomonidan yangi tarif rejalari ishlab chiqilayotgani, ular abonentlarning ovozli suhbat hamda internet-trafikka bo‘lgan talab va ehtiyojlarini maksimal tarzda qamrab olishi kutilayotgani qo‘shimcha qilindi.
«UZMOBILE» milliy aloqa operatori ham o‘z abonentlari manfaatlarini o‘ylab, mobil aloqa xizmatlari uchun narxlarni oshirmasligini bildirdi. Aksincha, kompaniya mijozlarga yanada arzon va qulay tariflar taqdim qilishni davom ettirish niyatida.
Qiziq, bir savol o‘ylantiradi: mamlakatimizda barcha mobil kompaniyalari uchun teng imkoniyatlar yaratib berilgan bo‘lsa, nega biri narxlarni oshirmasdan, aksincha, yanada qulay tariflar yaratish bilan ovora bo‘ladiyu, ikkinchisi oshirib yuboradi? Axir o‘sha kompaniya birinchilardan bo‘lib, O‘zbekiston hukumati yaratgan imkoniyatlardan foydalangan va abonentlari sonini oshirib olmaganmidi? Endi bozorda boshqalarga nisbatan ustunlikka ega bo‘lib olib, o‘zi istagan qarorni qabul qilish deganimi bu? Keyingi qaror qanaqa bo‘ladi? Millionlab abonentlarning ishonchi-chi?
Manba: Xabar.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH harbiylari orasida o‘z joniga qasd qilish ko‘paydi
Har qanday katta yoshdagi kishi yetuk emas
Pashinyan Armanistonning Mustaqillik deklaratsiyani eng katta muammo va fojia deb atadi
Blinken Isroildan uchta muammoni hal etishni talab qildi
Yaxshi pishgan va mazali anor tanlashga yordam beradigan tavsiyalar
Erdo‘g‘on Turkiya Isroil bilan aloqalarini uzganini ma’lum qildi
Donald Tramp 27 yoshli Karolin Levittni Oq uy matbuot kotibi etib tayinlamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
