Joriy yilda, aprelning ikkinchi yarmida taqdim qilingan Honor 10 o‘tgan uch oy davomida 3 million dona sotilgan. Bu to‘g‘rida ishlab chiqaruvchining o‘zi xabar bermoqda.
Jumladan, ushbu modeldan Xitoyning o‘zida 1 mln dona sotilgan. Qolgan 2 mln dona smartfon jahonning turli davlatlarida xarid qilingan. Ekspertlarning fikricha, muvaffaqiyatli savdoning bosh omili flagman smartfonning $500 AQSh dollaridan pastroq bahoda sotilishi bilan bog‘liq.
Honor 10 "Aurora Glass Design" uslubidagi dizayn, "peshonasi"da kesig‘i bor hamda Kirin 970 protsessori, "sun’iy aql" texnologiyasiga egaligi bilan bir qarashdayoq diqqatni tortadi.
5.84 dyuymli FHD+ ekran Huawei P20 modelining ekraniga o‘xshab ketadi. Bu displey old panelning 82.6 foiz qismini egallab olgan. Yon, tepa va pastki romlar ancha yupqalashgan.
Smartfon 4 gigabaytli tezkor hamda 64/128 gigabaytli doimiy xotira bilan ta’minlangan.
3,400 mA soat tok sig‘imli akkumulyator esa kuch-quvvatga mas’ul. Honor 10 modeli, shuningdek 5V/4.5A texnologiyasi bo‘yicha tezkor quvvat olish imkoniyatiga ega bo‘lgan. Ya’ni, 25 daqiqada quvvatini 50 foizga to‘ldirib oladi.
Smartfonning orqa panelida 16 megapikselli RGB (rangli) sensor hamda 24 megapikselli monoxrom (oq-qora) sensor mavjud. Ularning yorug‘lik taqsimlovchi linzasi f/1.8 standartli. Bosh kamera ham "sun’iy aql" tizimiga ega bo‘lgan.
Selfi uchun Honor 10 modeliga 24 megapikselli kamera sensori o‘rnatilgan. Bu sensor qiyofani 3D o‘lchamda skaner qiladi. Smartfon O‘zbekistonda o‘rtacha 450 AQSh dollaridan sotilmoqda.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Uchar avtomobil yo‘lovchi bilan birinchi parvozini amalga oshirdi (video)
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Lukashenko G‘arbga tahdid bilan chiqdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi