O‘zbekiston 8 oy davomida xorijdan qancha telefon import qilgani ma’lum qilindi

O‘zbekiston 2021 yilning avgust oyida xorijdan 236 624 dona mobil telefon import qildi. Bu haqda Davlat statistika qo‘mitasi ma’lum qildi.

Qo‘mita ma’lumotlariga ko‘ra, 2021 yilning dastlabki 8 oyida O‘zbekiston xorijdan qiymati 117,4 million dollarga teng bo‘lgan 1,6 million dona mobil telefon import qilgan. Telefon importi o‘tgan yilning mos davri bilan solishtirilganda 1,2 million donaga oshgan.

O‘zbekiston 12 ta davlatdan mobil telefonlar import qilgan. Mobil telefonlarni eng ko‘p import qilgan davlatlar quyidgilar:

Xitoy — 63 million dollar;
Vetnam — 41,4 million dollar;
Hindiston — 5,9 million dollar;
Qozog‘iston — 5,5 million dollar;
BAA — 960 ming dollar;
Germaniya — 647 ming dollar;
Koreya — 60 ming dollar;
Rossiya — 18 ming dollar. “Zamin” yangiliklarini “Twitter”da kuzatib boring