Salomatlik va uzoq umr ko‘rish uchun: har bir ayol o‘z ratsioniga kiritishi kerak bo‘lgan mahsulot

^{Foto: Marie Claire}
Ushbu mahsulot uzoq vaqtdan beri yurak va miya, soch va tirnoqlar uchun foydali elementlarning manbai, shuningdek, ratsionda ajralmas yordamchi hisoblanadi. Ammo ayollar uchun bu alohida ahamiyatga ega ekani ma’lum bo‘ldi, deb yozadi Marie Claire.

Uzoq va sog‘lom hayot — ko‘pchilik orzu qiladigan narsa va agar u ma’lum bir turmush tarzini o‘z ichiga olsa, iloji boricha tezroq unga rioya qilishni boshlash kerak. Mutaxassislarning fikriga ko‘ra, bitta sog‘lom odat barcha ayollar tomonidan o‘zlashtirilishi lozim. Bu esa ma’lum bir toifadagi mahsulotlarni muntazam iste’mol qilishga taalluqlidir.

Yong‘oq va urug‘lar ikkinchi toifa diabet va yurak-qon tomir kasalliklari xavfini kamaytirish bilan bog‘liq. Yong‘oqni iste’mol qilish umr ko‘rish davomiyligini oshirishga yordam berishi mumkinligi haqidagi nazariyani qo‘llab-quvvatlaydi.

Barcha mahsulotlardan yong‘oq ko‘proq ajralib turadi. Olimlar yong‘oq ko‘krak bezi saratoni bilan og‘rigan ayollarga yordam berishini aniqladi. Marshall universitetida o‘tkazilgan tadqiqot shuni ko‘rsatadiki, taxminan ikki hafta davomida kuniga 50 gramm yong‘oq iste’mol qilish ko‘krak bezi saratoni rivojlanishini sekinlashtiradi yoki bu kasallik xavfini kamaytiradi. Saratonga qarshi ta’sir o‘simta o‘sishi va omon qolishi uchun mas’ul bo‘lgan genlarning o‘zgarishi bilan bog‘liq.

Amerika Saraton tadqiqotlari instituti ma’lumotlariga ko‘ra, yong‘oqlar saratonga qarshi xususiyatlarga ega va bu barcha turlarga tegishli, ammo olimlar yong‘oqni boshqa barcha turlarga qaraganda aniqroq o‘rgangan. Yong‘oq tarkibida pedunkulagin deb ataladigan modda mavjud bo‘lib, u organizmda urolitinlarga aylanadi.

Urolitinlar, o‘z navbatida, estrogen retseptorlari bilan bog‘langan va ko‘krak bezi saratonining oldini olishda rol o‘ynashi mumkin bo‘lgan birikmalardir. Yong‘oq va uning yog‘ida o‘simtani bostiruvchi genlar yuqori darajada bo‘lib, buni yong‘oq moyi bilan oziqlangan sichqonlarda ko‘rish mumkin.

Bundan tashqari, yong‘oq samarali parhez mahsulot hisoblanadi. Ular omega-3 yog‘ kislotalariga boy, ular yog‘larni eritish jarayonini faollashtiradi va ularning cho‘kishi jarayonini sekinlashtiradi. Yong‘oqni iste’mol qilish yomon xolesterin (LDL) darajasini 16 foizgacha kamaytirishi va diastolik qon bosimini 2-3 mmHg ga tushirishi aniqlandi.

Oksidlanish stressi — bu erkin radikallar deb ataladigan beqaror molekulalar organizmdagi hujayralarga zarar yetkazish jarayoni. Uning ta’siri Alsgeymer va Parkinson kasalligi kabi bir qator neyrodegenerativ holatlarga qarshi kurashda yordam berishi mumkin.

Ba’zi parhezshunoslar urug‘ va yong‘oqlarni iste’mol qilish organizmga to‘qlik hissini beradi va ortiqcha ovqatlanish istagini oldini oladi, deb hisoblaydi. Ko‘pchilik uchun yong‘oq shokolad va pishiriqlar o‘rnini egallaydi, bu, albatta, shakarga qaramlilikdan qutqaradi.

Oziqlanishdan tashqari, muntazam jismoniy faoliyat ham bir xil darajada muhim rol o‘ynaydi. «Kattalar har kuni jismoniy faoliyat bilan shug‘ullanishlari kerak. Har qanday faoliyat foydalidir», — deydi Buyuk Britaniya Milliy sog‘liqni saqlash xizmati.

Angliya qirolichasi esa, albatta, o‘zining uzoq umr ko‘rishi bilan sog‘lom rejimning afzalliklarini namoyish etdi. Barcha insonlar haftada kamida ikki kun asosiy mushaklarni (oyoqlar, sonlar, bel, qorin, ko‘krak, yelka va qo‘llar) yo‘naltiradigan mashqlar bilan shug‘ullanishlari kerak. Mashq kamida yarim soat davom etishi lozim.

Sifatli uyqu va rejimga rioya qilish ham shu darajada muhimdir. Bularning barchasi birgalikda nafaqat umr ko‘rish davomiyligini oshirishga, balki kasalliksiz hayotni uzaytirishga yordam beradi. “Zamin” yangiliklarini “Vkontakti”da kuzatib boring