Ichki kosmetika va yurak do‘sti bo‘lgan mevaning 5 foydasi

Yoz — mevaga boy fasl, ammo ba’zilarining foydasi yurakdan boshlab, teri va ichaklargacha yetib boradi. Ana shunday ne’matlardan biri — yangi shaftoli. Nafaqat mazali, balki salomatlik uchun foydali xususiyatlari bilan ham ajralib turadi.

Quyida yangi shaftolining eng asosiy 5 foydasi bilan tanishing:

1. Yurak faoliyatini mustahkamlaydi
Shaftoli tarkibidagi kaliy yurak mushaklarining ritmini tartibga soladi, qon bosimini me’yorlashtiradi. Qon aylanishi yaxshilanadi, bu esa yurak xurujlari xavfini kamaytiradi.

2. Terini yoshartiradi va namlaydi
Beta-karotin va C vitamini bilan boy shaftoli terini quyosh nurlaridan himoya qiladi, elastikligini oshiradi va erta qarish belgilari bilan kurashadi. Yangi shaftoli — ichki kosmetika!

3. Ovqat hazm bo‘lishini yengillashtiradi
Shaftolidagi tabiiy tolalar ichak faoliyatini faollashtiradi, qabziyatdan saqlaydi. Ayniqsa, og‘ir ovqatlardan so‘ng yengil hazm bo‘lishi uchun foydali.

4. Immunitetni kuchaytiradi
Vitamin C va antioksidantlar tanani bakteriya va viruslardan himoya qiladi. Sovuqda ham, issiqda ham immunitetni "do‘st" bilan qo‘llab-quvvatlash kerak — shaftoli aynan shunday do‘st.

5. Vaznni nazoratda ushlashga yordam beradi
Kam kaloriyali, ammo to‘yimli shaftoli organizmga kerakli energiyani beradi, lekin semirishga olib kelmaydi. Ortiqcha og‘irlikdan shikoyati borlar uchun ideal tanlov. “Zamin”ni Telegramʻda oʻqing!