G‘arb tibbiyotida odamning “ovozlar” eshitishi ruhiy kasallik belgisi sifatida ko‘riladi. Biroq dunyoning ayrim hududlarida bu holat yomon emas, balki yo‘l-yo‘riq beruvchi yoki insonni xavfdan asrovchi ijobiy hodisa sifatida qabul qilinadi.
Tadqiqotlar shuni ko‘rsatadiki, sog‘lom odamlarning ham ko‘pi vaqti-vaqti bilan noma’lum ovozlarni eshitishini tan oladi. Masalan, Hindiston va Ganada bunday ovozlar ko‘pincha Xudo yoki oila a’zolarining ovozi sifatida ko‘riladi va ular kundalik hayotda maslahat beradi.
AQShda esa bemorlar ko‘pincha ovozlarni salbiy yoki qo‘rqinchli deb tasvirlaydi. Natijada ular bu holatni kasallik deb biladi. Hindiston va Ganada esa ovozlar ko‘proq ijobiy baholanadi, shuning uchun odamlar bunday tajribaga boshqacha qaraydi.
Olimlar fikricha, inson ulg‘aygan jamiyat va madaniyat uning bunday tajribalarni qanday qabul qilishini belgilaydi. Shu sababli ayrim joylarda “ovozlar eshitish” yomon emas, balki odatiy yoki hatto foydali deb qaraladi.
“Zamin”ni Telegramʻda oʻqing!
