Yevropada o‘ta chidamli va xavfli hisoblangan Trichophyton indotineae zamburug‘i tez sur’atda tarqalmoqda. Mutaxassislar uni shunchaki zamburug‘ emas, balki “superzamburug‘” deb atashmoqda. Bu haqda The Sun nashri ma’lum qilgan.
Manchester universitetining yuqumli kasalliklar bo‘yicha eksperti Devid Denning ta’kidlashicha, ushbu turdagi zamburug‘ tanada qizarish va kuchli qichishish bilan kechadigan toshmalarni keltirib chiqaradi. Dastlabki belgilari esa asosan son va dumba qismida kuzatiladi.
Nashr ma’lumotiga ko‘ra, Buyuk Britaniyada oxirgi uch yil ichida Trichophyton indotineae bilan kasallanish xolatlari deyarli 500 foizga oshgan. Infeksiya odamdan odamga to‘g‘ridan to‘g‘ri munosabat, ifloslangan buyum va yuzalar orqali, shuningdek, jinsiy aloqa orqali yuqishi mumkin.
Denningning aytishicha, agar zamburug‘ tarqalishi shunday sur’atda davom etsa, u yaqin yillarda jahon miqyosida jiddiy muammoga aylanishi mumkin.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
