Ohista yuradigan o‘rta yashar kishilarning yurak kasalliklariga chalinish xavfi yuqoridir. Ko‘p yillik tadqiqotlar natijasida Buyuk Britaniyadagi Lester universiteti olimlari yuqoridagi xulosaga keldi.
Buning uchun Birlashgan Qirollikda yashovchi yarim millionga yaqin aholining 2006 va 2010 yillar oralig‘idagi salomatligi va jismoniy faolligi o‘rganildi. Keyinroq, yurak-qon tomir kasalliklari yoki saraton tashxisi qo‘yilgan kishilar ro‘yxatdan chiqarilib, 420 ming kishi olib qolindi.
So‘ngra davom etgan olti yildan oshiq tekshiruv mobaynida 8,6 mingga yaqin kishi dunyodan o‘tdi. Ularning 1,6 mingi yurak-qon tomir kasalligidan ko‘z yumgan bo‘lsa, 4,8 ming odamni saraton olib ketdi.
Tadqiqot davomida sekin yurish yoki tez sur’atda yurishning erta o‘lim (yurak kasalligi yoki saratondan) xavfiga bog‘liqligi tadqiq qilindi. Ma’lum bo‘lishicha, odatda sekin yuruvchilar tez yuruvchilarga qaraganda ikki marta tez dunyodan ko‘z yumgan. Bu xulosa erkagu ayol uchun birday bo‘lib, insonning chekishi, tana vazni va parhezi kabi omillarga bog‘liq emas.
Shunday qilib, zamonamiz olimlari tez harakatlanish va tayinli maqsadga yo‘naltirilgan jismoniy mashqlar kishining umrini uzaytirishda ahamiyatli ekanini yana bir marta ta’kidlamoqda.
Demak, sekin yursang – uzoqqa borasan maqolini o‘zgartirish vaqti ham keldi.
Manba: Sof.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Kreml Ukraina bo‘yicha muzokarada shartlar qo‘yishga urinmoqda
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
AQSH harbiylari orasida o‘z joniga qasd qilish ko‘paydi
Pashinyan Armanistonning Mustaqillik deklaratsiyani eng katta muammo va fojia deb atadi
Yaxshi pishgan va mazali anor tanlashga yordam beradigan tavsiyalar
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
