London qirollik gospitali (Royal Free Hospital) xodimlari DeepMind kompaniyasi bilan hamkorlikda buyrak kasalliklarini o‘rtacha 14 daqiqada aniqlovchi mobil dastur ishlab chiqishdi. Bu haqda Kun.uz nashri xabar berdi.
Dastur buyrak kasalliklarini aniqlash uchun qon tahlili natijalarini o‘rganadi. Uning algoritmlaridan biri qonda aminokislota-oqsil almashinuvining biokimyoviy reaksiyalari natijasida mushaklarda hosil bo‘luvchi va o‘tkir buyrak yetishmovchiligini keltirib chiqaruvchi kreatinin moddasi miqdorini aniqlaydi. Tadqiqot natijalari avtomatik rejimda shifokorlar va hamshiralarga diagramma va grafiklardan iborat hisobot tarzida jo‘natiladi.
Shifoxona xodimlari bu texnologiya shifokorlarga ko‘plab bemorlarning hayotini saqlab qolishga imkon berishiga umid qilishmoqda, chunki aynan o‘tkir buyrak yetishmovchiligining kech davolanishi ko‘pincha boshqa hayotiy muhim a’zolarning shikastlanishiga, bu esa o‘z navbatida o‘lim holatiga olib kelishi mumkin.
London universitet kolleji mutaxassislari dastur tomonidan bemorlarning buyraklari holati haqidagi 12 ming hisobotni o‘rganib, shifokorlar dastur yordamida buyrakdagi patologik o‘zgarishlarni hozirda mavjud tahlil usullaridan ancha tezroq aniqlay olishlari haqidagi xulosaga kelishgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Husiylar Isroil aviabazasiga gipertovushli raketa bilan zarba berdi
Turkiya o‘zining birinchi kvant kompyuterini taqdim etdi
Har payshanba jismoniy tarbiya va sport kuni sifatida belgilanadi
Metabolizm sekinlashganining belgilari
