Yurak yetishmovchiligiga qarshi kurash yo‘li topildi

^{Foto: «Sechenov.ru»}
Buyuk Britaniyaning Bristol universiteti olimlari yurak yetishmovchiligi tufayli shikastlangan yurak-qon tomirlarini tiklash yo‘lini topdi. Bu haqda ta’lim muassasasi saytida ma’lum qilingan.

Yurak shikastlanishi qanday shakllanishini tushunish uchun ular 1-toifa va 2-toifa diabetga chalingan sichqonlar ustida tadqiqot o‘tkazdilar. Mutaxassislar qon tomirlaridagi jelga o‘xshash qatlam bo‘lgan glikokaliksni o‘rganishdi. Ma’lum bo‘lishicha, yurakning mayda qon tomirlarida bu tuzilma birinchi navbatda turli kasalliklarda zarar ko‘radi.

Xususan, tadqiqotchilarning fikriga ko‘ra, bu zarar yurak devorlarida suyuqlik harakatining kuchayishi bilan bog‘liq bo‘lib, bu shish paydo bo‘lishiga va yurak mushaklarining kuchayishiga olib keladi. Natijada, yurak urishlar orasida to‘g‘ri bo‘shashmaydi va qonni tanaga hayday olmaydi.

Glikokaliks funksiyasini tiklash uchun olimlar diabetik kemiruvchilarga angiopoiyetin-1 deb nomlanuvchi moddani berishdi. 3 soatdan keyin ular bu qatlam qalinlashganini aniqladilar. Ultratovush tekshiruvlari shuni ko‘rsatdiki, sichqonlarning yurak urishlari orasida bo‘shashish qobiliyati ham yaxshilangan.

Britaniyalik mutaxassislarning fikricha, bu kashfiyot qandli diabet bilan og‘rigan ayrim odamlarda qon bosimi yoki yurak-qon tomir kasalliklari bo‘lmay, yurak yetishmovchiligi rivojlanishi sabablarini tushunishga yordam beradi. Olimlarning ta’kidlashicha, odamlarda o‘tkazilgan tadqiqotlar diabetik yurak yetishmovchiligi bo‘lgan bemorlar uchun yangi davolash usullarini ishlab chiqishga yordam beradi. “Zamin” yangiliklarini “Facebook”da kuzatib boring