Oyoq terlashi va noxush hidni qanday bartaraf etish mumkin?

^{Foto: Cosmopolitan}
Oyoq terlashi va noxush hid nozik mavzu, undan qutulish unchalik oson emas, deb oʻylashadi. Quyida muammoni hal qilishga yordam beradigan bir nechta samarali layfxaklar bilan tanishib chiqish mumkin.

Terlash va oyoq hidlanishidan xalos boʻlish uchun koʻplab layfxaklar bor, ba'zilar esa boshqa odamlarning oldida oyoq kiyimlarini echishdan ham qoʻrqadi. Ammo vahima qilmaslik kerak: bu muammo unchalik dahshatli emas va uni butunlay hal qilish mumkin! Hozirgi vaqtda oyoqlarning yoqimsiz hidini yoʻqotishga yordam beradigan koʻplab professional usullari mavjud.

Ayollar oyoq terlashi va hidlanishidan qanday qutulishi mumkin?
Terlashning ortishi koʻpincha sifatsiz poyabzal kiyish yoki gipergidroz, qoʻziqorin (gribok) kasalliklari va organizmning individual xususiyatlari tufayli yuzaga keladi. Gap shundaki, bakteriyalar shunchaki nam va iliq muhitni yaxshi koʻradi: ular tirnoqlar ostida va oʻlik teri zarralari burmalarida koʻpaya boshlaydi va shu bilan yoqimsiz hid paydo boʻladi.

Oyoqlar hidlana boshlasa, qanday qilib imkon qadar tezroq yomon hiddan qutulish mumkin? Avvalo sababni aniqlash va u bilan kurashish lozim.

Bakteriyalar uchun qulay yashash sharoitlarini yoʻq qilish
Oddiy qilib aytganda, oyoqlarni toza tutish shart. Antibakterial sovun yordamida oyoqlarni muntazam yuvib turish, tirnoqlarni qisqartirish, choʻtka va maxsus toshdan foydalanishni e'tiborsiz qoldirmaslik lozim. Pedikyur jarayonida foydalaniladigan jihozlar tozaligini kuzatish, shuningdek, suv bilan aloqa qilgandan keyin barmoqlar orasidagi boʻshliqni yaxshilab artib olish tavsiya etiladi.

Toʻgʻri yuvish
Paypoqlarni ham ichkariga aylantirib yuvish kerak. Qoʻlda yuvish uchun bir piyola suvda suyultirilgan bir osh qoshiq iste'mol sodasi va bir choy qoshiq sirkadan foydalaniladi: paypoqlarni bu eritmada 1-2 soatga qoldirish va keyin yuvish tavsiya etiladi.

Oyoq kiyimni tez-tez echish
Uyda va issiq havoda oyoqlarning terlashini kamaytirish va yoqimsiz hidlarni yoʻq qilish uchun yalangoyoq yoki ochiq poyabzallarda yurishga harakat qilish kerak. Yalangoyoq yurish oyoqlarda mikroblar paydo boʻlishining oldini oladi va issiqlik uzatishni normallashtiradi.

Oyoq kiyimlarini dezinfektsiya qilish
- oyoq kiyimni ichkari va tashqarisini yaxshilab yuvish;
- taglik va bogʻichlarni antiseptik eritmada namlash;
- oyoq kiyimning ichki qismini antiseptikka botirilgan paxta bilan tozalash;
- oyoq kiyimlarni yaxshi havo bor joyda quritish.

Oyoq kiyimni toza tutish
Bogʻich va tagliklarni muntazam yuvib, poyabzalni toʻliq qurigach kiyish kerak. Nam poyabzalda yurmaslikka harakat qiling va kun oxirida ulardan qum, chang va boshqa zarralarni silkitib tashlashni unutmang.

Terlash va oyoqlarning hidini davolash uchun professional vositalar
Dorixona mahsulotlari va professional oyoq parvarishi komplekslari oʻz vazifalarini samarali bajara oladi. Oyoqlar uchun maxsus antiperspirantlar va dezodorantlar oyoq yuzasida harakat qilib, tez va samarali ravishda ta'sir koʻrsatadi. Bunday mahsulotlarni olib yurish va qadoqdagi koʻrsatmalarga muvofiq muntazam foydalanish qulay.

Mutaxassisdan yordam
Koʻpincha ayollarda terlashning koʻpayishi va yoqimsiz hid, terining koʻchishi va gʻalati toshmalar bilan birga keladi. Bunday holda, mutaxassis bilan bogʻlanish va belgilangan davolanish kursidan oʻtish yaxshidir. Shifokor, albatta, oyoq hididan qanday qilib butunlay qutulish kerakligini aytadi.

Oyoq hididan uy sharoitida qanday qutulish mumkin?
Har qanday dorixonada sotib olinadigan yoki uyda tayyorlanishi mumkin boʻlgan vositalar mavjud. Muammoni hal qilishga yordam beradigan ushbu usullari nafaqat vaqt sinovidan oʻtgan, balki professional dori-darmonlardan farqli oʻlaroq, yuqori xarajatlarni talab qilmaydi.

Antibakterial oyoq choyi
Choy tarkibidagi taninlar yoqimsiz hid va terlashdan xalos boʻlishga yordam beradi. Bunday vannalarni har kuni qilish tavsiya etiladi.
1. 1 litr qaynoq suvda 3 choy qoshiq qora choy bargi damlanadi.
2. Chuqur idish yoki hammomda 2 litr salqin suv bilan suyultiriladi.
3. Oyoqlarni choy eritmasiga botirib, 15-30 daqiqa ushlab turiladi.

Lavanda
1. Lavanda yogʻi oyoq hidini yaxshi olib tashlaydi va terlashni kamaytiradi.
2. Oyoqlarga 4-5 tomchi lavanda yogʻi surtiladi, qolganlarini salfetka bilan artib olinadi.
3. Kechasi, oyoqlarni lavanda yogʻi bilan ishqalab, maxsus paxta paypoqlar kiyiladi.

Sirkali aralashma
1. Olma sirkasi oyoq hidini yoʻqotishga yordam beradi.
2. 0,5 olma sirkasi 200 ml iliq suv bilan aralashtiriladi.
3. Sirka eritmasiga doka yoki paxta matosini namlanadi va oyoqlarga qoʻllanadi.
4. Aralashma 20-30 daqiqa ushlab turiladi.
5. Keyin oyoqlar artilmaydi: ularni tabiiy ravishda quritiladi.

Moychechak va limon
Moychechak – terini tinchlantiradi, qichishishni engillashtiradi va gribok kasalliklarini rivojlanish xavfini kamaytiradi. Limon sharbati oyoqlarning yomon hidiga qarshi samarali kurashadi.

1. 3 paket moychechakdan choy tayyorlanadi.
2. Choy sovitib olinadi.
3. Moychechak choyiga 2 osh qoshiq limon sharbati qoʻshiladi.
4. Oyoqlarni paxta yordamida olingan aralashma bilan yuviladi.
5. Soʻngra tabiiy ravishda quritiladi.