Ўзбекистонда ота-она бўлишнинг ўртача ёши маълум бўлди

Ўзбекистон Республикаси Давлат статистика қўмитаси маълумотларига кўра, 2025 йилнинг биринчи чорагида мамлакатда 198 089 нафар чақалоқ туғилган, деб Upl.uz хабар берди. Бу кўрсаткичлар январ, феврал ва март ойларида аҳоли сони қанчалик ошганини кўрсатади.

Статистика шуни кўрсатмоқдаки, Ўзбекистонда ота-она бўлиш учун энг фаол ёш гуруҳи 25 ёшдан 39 ёшгача бўлган фуқаролардир. Эрикаклар орасида ушбу ёш гуруҳига 82,7% ҳолат тўғри келса, 25 ёшгача бўлган ёш оталар улуши 9,6% ни, 40 ёшдан катта эркаклар эса 7,7% ни ташкил этди.

Аёллар орасида эса 25-39 ёшдаги она бўлганлар улуши 61,5% ни ташкил этади. Шу билан бирга, 25 ёшгача бўлган ёш оналар улуши 37,1% ни ташкил қилган. 40 ёшдан катта бўлган аёллар орасида эса бу кўрсаткич атиги 1,4% ни ташкил этган.

Ўзбекистонда анъанавий равишда ёш оилалар катта авлод билан бирга яшашади ва бу эса уларга бола парвариши, иш ва рўзғор ишларини мувофиқлаштиришда ёрдам беради. «Замин»ни Telegram’да ўқинг!