Ўзгидромет маълумотларига кўра, 12 ноябрь куни мамлакатнинг барча ҳудудларида ҳаво ўзгарувчан, аммо қуруқ бўлади. Ёғингарчилик эҳтимоли деярли йўқ.
Тошкент шаҳрида шамол шарқдан 3–8 м/с тезликда эсади, ҳарорат кечаси 3–5, кундузи эса 16–17 даража илиқ бўлади.
Қорақалпоғистон ва Хоразм вилоятида ҳаво тиниқ бўлиб, кундузи 19 даражагача исийди. Бухоро ва Навоий вилоятларида эса ҳарорат 21 даражагача кўтарилиши мумкин.
Самарқанд, Сирдарё ва Жиззахда 20 даражагача, Қашқадарё ҳамда Сурхондарё вилоятларида эса 22 даражагача илиқ ҳаво кутилмоқда.
Фарғона водийси вилоятларида (Андижон, Наманган, Фарғона) ҳаво тинч ва салқин бўлади — кундузи 17, кечаси 2–7 даража илиқ. Айрим жойларда туман тушиши эҳтимолдан холи эмас.
Тоғли ҳудудларда ҳам ҳаво барқарор бўлиб, ёғингарчилик кутилмайди. Кечаси 2 даража совуққа, кундузи 13 даража илиққача бўлиши мумкин.
Метеорологлар ҳафта илк куни мамлакат бўйлаб илиқ ва барқарор об-ҳаво ҳукм суришини маълум қилмоқда.
“Zamin”ни Telegram'да ўқинг!
