Ўзгидромет 8—11 декабрь учун об-ҳаво прогнози билан бўлишди. Маълумотларга кўра, ҳафта бошида мамлакатнинг турли hududларида номутаносиб, тез ўзгарувчан об-ҳаво кузатилади.
Қорақалпоғистон ва Хоразмда асосан қуруқ об-ҳаво ҳукм суриб, шамол баъзи кунлари 20–22 м/с гача кучайиши мумкин. Тунги ҳарорат 5–10 даража совуққача тушса, кундузи 0–8 даража илиқ бўлади.
Бухоро ва Навоийда 8–9 декабр кунлари ёмғир эҳтимоли бор. Кейинги кунларда ҳаво ямғирсиз. Шамолнинг кучайиши эҳтимоли сақланиб қолади. Ҳарорат тунлари 5–10 даража совуқ, кундузи 3–13 даража илиқ атрофида кечади.
Тошкент, Самарқанд, Сирдарё ва Жиззахда ҳафтанинг биринчи ярмида ёмғир кузатилиши мумкин. 10–11 декабрь куни ҳаво очилиб, лекин баъзи ҳудудларга туман тушиши мумкин. Кечки вақтларда температура 5 даража совуққача тушиши, кундузи эса 3–10 даража илиқ бўлиши кутилмоқда.
Қашқадарё ва Сурхондарёда ҳам 8–9 декабрда қисқа муддатли ёмғир эҳтимоли бор. Кундузи 12–17 даража илиқ бўлса, баъзи тунларда 2 даража совуққача пасайиши мумкин.
Фарғона водийсида (Андижон, Наманган, Фарғона) 8–9 декабрда ёмғир кутилмоқда. 10–11 декабрда об-ҳаво барқарор, лекин туман тушиши эҳтимоли бор. Ҳарорат тунлари 0–5 даража совуқ, кундузи 3–11 даража илиқ атрофида бўлади.
Тоғ олди ва тоғли ҳудудларда 8–10 декабр кунлари ёмғир ва қор аралаш ёғингарчилик кузатилиши мумкин. 11 декабрь куни об-ҳаво яхшиланади. Тунги ҳарорат 5–10 даража совуқ, кундузи эса 0–2 даража илиқ бўлиши айтилади.
Синоптиклар аҳолини кучли шамол, туман ва айрим ҳудудлардаги ёғингарчиликка тайёр бўлишга чақирмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
