Июльда Ўзбекистонда ҳаво ҳарорати 45 даражагача чиқиши мумкин
1 дақиқа ўқиш103

Синоптиклар прогнозларига кўра, Ўзбекистонда июль ойи одатдагидан анча иссиқ келиши кутилмоқда. Ойлик ўртача ҳаво ҳарорати иқлим меъёридан 1,5–3 даража юқори бўлиши мумкин.
Июль ойининг дастлабки кунларида ҳаво нисбатан мўътадил бўлади. Биринчи ўн кунлик охирига келиб эса ҳарорат +37...+40 даражагача кўтарилиши кутилмоқда.
Жанубий ҳудудларда ҳаво янада иссиқ бўлиб, +41...+43 даражага етиши мумкин. Айрим даврларда республиканинг баъзи туманларида термометр кўрсаткичи +45 даражагача чиқиши эҳтимоли бор.
Ой давомида ҳаво асосан қуруқ келади. Ёғингарчилик кам бўлиши кутилмоқда.
Қисқа муддатли ёмғир ва момақалдироқлар фақат тоғ олди ҳамда тоғли ҳудудларда кузатилиши мумкин.
Мақола сизга ёқдими?
Обуна билан реклама бўлмайди
Zamin Premium — ойига 4 900 сўм
Мавзуга оид янгиликлар

































Изоҳлар0
…