Бугундан бошлаб Ўзбекистонда автомобилнинг орқа ён ойналарини қорайтириш учун пул тўлаб рухсат сотиб олиш тартиби бекор қилинди.
Автомобилнинг олд эшиклари “тонировка”си учун рухсатнома нархи эса 6 баробарга арзонлашиб, 2 млн 160 минг сўмга тушди.
Талаб ошгани ортидан, ойна қорайтириш учун ишлатиладиган плёнкалар ва уларни ёпиштириб бериш хизматларининг нархи ҳам кўтарилган.
Тошкентда Kun.uz суҳбатлашган усталарнинг айтишича, автомобилнинг орқа ён ойналарини қорайтириб бериш (плёнка ва хизмат нархи қўшилганда) нархи 200 минг сўмдан, орқа ва олд ён ойналар “тонировка”си 600 минг сўмдан бошланади.
Автомобилнинг русуми ва плёнканинг сифатига қараб, нархлар кўтарилиб бораверади. Сифатли плёнкалар қуёшдан самаралироқ сақланиш ва автомобил ичидан ташқарини яхшироқ кўриш имконини бериши билан ажралиб туради, бу хусусиятларини узоқ йиллар сақлаб қолади.
“Ҳар куни кўп одам автомобил ойнасини қорайтиришга келишяпти. Бугун 15 тача одам келди. Ҳар куни кечқурунгача қолиб ишлаяпмиз”, дейди ойна қорайтириш билан машғул усталардан бири.
“Жараён тезлашиб кетди, худди ҳаёт тезлашиб кетганидек. 10 йил олдин танишган инсонлар ҳам эслашмоқда. Телефон рақамларимиз ҳаммага тарқалиб кетди”, дейди бошқа бир “тонировка”чи.
Биз мижозларнинг фикри билан ҳам қизиқдик.
“Орқа ойналарни қорайтириш текин бўлганидан жуда хурсандмиз. Олд ойналар учун ҳам бугун my.gov.uz порталидан рухсатнома олдик. Орқа ойналаримизга 100 фоизли, олд ойналаримизга эса 50 фоизли “тонировка” қилдирдик. Умумий нархи 100 долларга айланди. Мана энди қуёшга чиқиб юриб кўрамиз”, дейди Captiva ҳайдовчиси.
“Мен ҳозирча автомобилимнинг орқа ён ойналарига “тонировка” торттирдим. Биринчи ўринда фарзандлар ва ёши улуғ инсонларни ўйладик. Кейинроқ олд ойналарини ҳам қорайтирамиз. Орқа ойналаримиз учун 200 минг сўм сарфладик. Нархи яхши. Ҳа, энди автомобиллар сони кўпроқ, лекин навбат билан кутсак, қилиб беришади”, – дейди бошқа бир мижоз.
Эслатиб ўтамиз, 1 июлдан автомобилларнинг орқа ён ойналарини 70 фоизгача қорайтиришга рухсат берилди, бунгача чеклов 50 фоизлик эди ва аксарият амалиётда бунга риоя этилмаётганди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Жо Байден: “Баъзан хотиним мени космосга жўнатиш билан таҳдид қилади”
Яхши пишган ва мазали анор танлашга ёрдам берадиган тавсиялар
Россиялик депутат: «Олий маълумотлиларнинг курерлик қилиши — ватанпарварликка зид»
АҚШ ҳарбийлари орасида ўз жонига қасд қилиш кўпайди
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Энди операциядан сўнг кесмалар ўрни икки баробар тезроқ битиши мумкин
Apple донгдор икки айфонини расман эскирган деб эълон қилди
АҚШ Исроилнинг икки вазирига санкция қўлламоқчи
