Captiva–5 сотуви бошланади: автомобиль нархлари маълум қилинди

^{Фото: Telegram}

Chevrolet Captiva (Captiva–5) сотуви 2023 йилнинг октябрь ойи якунида бошланиши кутилмоқда. “Ўзавтосаноат” вакили автомобиль нархларини маълум қилди.

Captiva–5 учта комплектацияда сотувга чиқарилади. Уларнинг нархлари қуйидагича:

• LT1 (5 ўриндиқли): 299 900 000 сўм;
• LT2 (7 ўриндиқли): 319 900 000 сўм;
• Премиeр (7 ўриндиқли): 349 900 000 сўм.

Мазкур нархлар қўшилган қиймат солиғини ҳам ҳисобга олган ҳолда кўрсатилган.

Маълумот учун, Captiva модели Ўзбекистон бозорига 2007 йилда кириб келган. Ўша йилнинг октябрида мамлакатда автомобилни йиғиш йўлга қўйилган. 2011 йилнинг сентябри ва 2017 йилнинг февралида модел янгиланган. 2018 йилнинг сентябрида эса GM’нинг глобал стратегиясига мувофиқ уни ишлаб чиқариш тўхтатилган.

Шухрат Раззаков

«ЗАМИН.УЗ» муҳаррири