Chevrolet’нинг узоқ кутилган 2025-йилги бюджет электрокари янги дизайни намойиш этилди.
Арзон Chevrolet Bolt 3-авлоди 2025-йилда расман тақдим этилиши кутилмоқда. Янги модел замонавий жиҳозларга эга бўлиб, тармоқда унинг дизайн вариантлари пайдо бўлди.
2026-йилги Chevrolet Bolt яна Nissan Leaf харидорларини ўзига жалб қилишга ҳаракат қилади. TALK WHEELS каналида автомобилнинг тахминий кўриниши намойиш этилган бўлса-да, расмий дизайн тафсилотлари ҳозирча сир сақланмоқда.
Аввал Chevrolet фақат Bolt EUV кроссоверини таклиф қилади деб ўйланган эди, аммо энди ушбу ном остида бир нечта модел ишлаб чиқарилиши маълум бўлди.
Келаси авлод арзон электрокарини АҚШнинг Канзас-Сити шаҳридаги заводда ишлаб чиқариш режалаштирилган. У литий-темир-фосфат (LFP) аккумулятори билан жиҳозланади, бу эса ишлаб чиқариш жараёнини тезлаштириш ва автомобил нархини арзонлаштиришга ёрдам беради.
Тахминий нархи – 30 000 доллардан паст бўлиши кутилмоқда. Шунингдек, келгусида ундан ҳам арзон Chevrolet Bolt тақдим этилиши режалаштирилган, бироқ ҳозирча унинг нархи ошкор қилинмади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
