Автоэксперт Сергей Зиновьев хитойлик Dongfeng 580 кроссоверининг тўртта камчилиги ҳақида гапирди.
Унга кўра, 1.8 литрли двигател Toyota 1ZZ-FE’нинг модификацияси бўлиб, бутунлай алюминийдан ясалган ва мой сарфини ошириши ҳамда айрим сенсорларнинг ишламай қолиши билан ажралиб туради. Шунингдек, 1.5 литрли мотор билан жиҳозланган версиядаги Punch VT3 вариатори ишончсиз бўлиб, тез-тез таъмирталаб бўлади. Баъзи ҳолларда у ҳатто 50 минг кмгача етиб бормай ишдан чиқиши мумкин.
Шунга қарамай, энг оддий комплектатсиядаги машинада ҳам калитсиз кириш тизими, адаптив круиз-контрол ва парковка ёрдамчиси мавжуд. Автомобилнинг юриш сифати ҳам ёмон эмас.
Бундан аввал Сергей Зиновьев Changan CS35 Plus кроссоверининг ижобий жиҳатларини санаб ўтган эди.
Унга кўра, 1.6 литрли атмосферли двигател тўғридан-тўғри ёқилғи пуркаш тизимига эга. Кўпчилик автомобиллар Aisin TF-73SC гидравлик автомат узатмалар қутиси билан жиҳозланган бўлиб, у жуда ишончли деб ҳисобланади. Мутахассиснинг фикрича, бу комбинация энг яхшиларидан бири.
Экспертнинг таъкидлашича, автомобиль 80-100 минг км масофага етгунча ҳеч қандай жиддий муаммога дуч келмайди, фақат электроника вақт-вақти билан носозликларга учраши мумкин. Машинанинг осма тизими мустаҳкам, фарларининг ёруғлиги ҳам юқори сифатли. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
