Chevrolet Cobalt савдоси 24,7% га ошди

2024-йил якунларига кўра, Chevrolet Cobalt Ўзбекистон автомобиль бозорида етакчиликни сақлаб қолди. Focus2Move таҳлилчиларининг маълумотларига кўра, ушбу автомобиль савдоси йиллик 24,7% ўсиш қайд этди.

Иккинчи ўринда Daewoo Damas жой олди, унинг савдоси 58,8% га ошди.

Chevrolet мамлакат бозорининг 58,5% улушини эгаллаб, йил якунида 1,2% ўсишга эришди. Daewoo эса 21,9% улуш билан иккинчи ўринда қолди ва йил давомида 39,4% ўсди. Учинчи ўрин Kia компаниясига насиб этди.

Ўзбекистонда тўртинчи энг оммабоп автомобиль бренди Хитойнинг BYD компанияси бўлди. Ушбу бренднинг савдоси йил давомида 113,2% ўсди.

Шунингдек, таҳлилчилар Ўзбекистонда электромобиллар бозори 7,1% ўсганини қайд этди. Электромобиллар умумий транспорт воситаларининг 7% ини ташкил этмоқда. Сегмент етакчиси BYD бўлиб қолди, иккинчи ўринда BAIC, учинчи ўринда эса Tesla жой олди.

Chevrolet Cobalt Янгиликлар