Toyota АҚШ бозори учун 2026 йилги Crown седанини тақдим этди, деб SpeedMe.ru сайти хабар берди. Янгиланишлар фақат расмий тусда бўлиб, ташқи кўриниш ва техник жиҳатлар жорий модел билан бир хил. Барча версиялар фақатгина гибрид мотор ва тўлиқ узатма билан жиҳозланган.
Базавий гибрид 2,5 литрли бензин двигатели ва икки электромоторига эга. Энг кучли Hybrid Max версиясида эса 2,4 литрли турбо мотор ва орқа электропривод мавжуд бўлиб, у 340 от кучига (400 Нм) эга.
Crown 2026 тўртта комплектацияда таклиф этилади: XLE, Limited, Nightshade ва Platinum. Уларнинг энг юқориси — Platinum — адаптив AVS подвеска, премиум интерьер ва кенгайтирилган функциялар билан ажралиб туради.
Салонга икки 12,3 дюймлик дисплей, Toyota Safety Sense 3.0 хавфсизлик тизими ва ҳаво орқали янгиланувчи мультимедиа ўрнатилган.
Crown 2026 учун расмий нархлар ҳали эълон қилинмади, лекин Японияда ишлаб чиқарилгани боис, АҚШдаги божлар туфайли нарх ошиши мумкин. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
