Leapmotor электромобиллари Ўзбекистонда сотилишига шартли рухсат берилди

Хитойнинг Leapmotor бренди электромобилларини Ўзбекистонда сотишга шартли равишда рухсат берилди. UzTEST матбуот хизматининг маълум қилишича, Zhejiang Leapmotor Technology Co. раҳбарияти 7 апрель куни Ўзбекистонга ташриф буюрди ва икки томонлама музокаралар ўтказилди.

14 апрель куни Пскент туманида жойлашган лабораторияда «Leapmotor C16» моделлари электромагнит мослиги синовидан муваффақиятли ўтди. Синовлар ООНнинг 10-сонли Қоидани талаблари асосида ўтказилди.

Leapmotor компаниясига қуйидаги шартлар асосида рухсат берилди:

Ўзбекистондаги расмий ва юридик вакилни тайинлаш;
Автомобил турини тасдиқлаш учун барча ҳужжатларни тақдим этиш;
Ишлаб чиқариш жараёнларини баҳолаш мажбурияти.

Эслатиб ўтамиз, аввалроқ S16 моделида кучли электромагнит халақитлар аниқлангандан сўнг, UzTEST томонидан Leapmotor учун сертификатлаш жараёнлари тўхтатилган эди.

Янгиликлар