Xiaomi компанияси ўзининг навбатдаги йирик лойиҳаси — Кунлун номли тўлиқ ўлчамли кроссоверини йўл синовларига чиқарди. Хитойда камуфляж остида пайқалган ушбу модел бозорга Xiaomi Ю9 номи билан кириб келиши кутилмоқда. Бу ҳақда Ixbt.com хабар беради.
Янги автомобил уч қаторли ўриндиқлар тизимига эга бўлиб, етти кишига мўлжалланган. Шпионлик суратларга кўра, кроссовер ёпиқ олд қисм, ўткир чизиқли оптика, том қисмига ўрнатилган ЛиДАР датчиги, яширин эшик тутқичлари ва йирик ғилдирак аркалари билан ажралиб туради. Машинанинг узунлиги тахминан 5,2 метрни ташкил этади.
Техник жиҳатдан модел ЭРEВ гибрид тизими билан жиҳозланади. У 70 кВт·соатдан ортиқ қувватга эга аккумулятор ёрдамида фақат электр энергиясида 400 километрдан кўпроқ масофани босиб ўтиш имкониятига эга бўлади.
Эслатиб ўтамиз, Xiaomi компаниясининг автомобил бозоридаги илк муваффақияти бўлган Xiaomi СУ7 модели катта қизиқиш уйғотмоқда. Сотувлар бошланганидан кейинги 48 кун ичида ушбу электромобилга берилган тасдиқланган буюртмалар сони 80 мингдан ошиб кетди.
“Zamin”ни Telegram'да ўқинг!
