Британиянинг афсонавий АК Карс бренди ўзининг янги даврини 799 от кучига эга В8 двигателли АК Кобра Коупе спорткари билан бошламоқда. Компания раиси Алан Лубинскйнинг сўзларига кўра, ушбу модел брендни глобал миқёсга олиб чиқишда муҳим рол ўйнайди. Нархи 399 000 фунт стерлингдан бошланадиган икки ўринли автомобил келаси йилдан ишлаб чиқарила бошлайди. Бу ҳақда Autocar.co.uk хабар беради.
Янги Кобра Коупе асосан 2024-йилги Кобра Роадстер моделининг ёпиқ томга эга варианти бўлиб, унинг 75 фоиз қисмлари ўзаро бир хил. Автомобил Ford томонидан етказиб бериладиган 5,0 литрли В8 двигатели билан жиҳозланган. Харидорлар 450 от кучига эга атмосфера двигатели ёки 720 от кучини таъминловчи суперчаржерли версияни танлашлари мумкин. Шунингдек, 799 от кучига эга Клубспорт Эдитион махсус серияси ҳам чиқарилиб, у атиги 99 дона билан чекланади.
Қувват орқа ғилдиракларга Тремек олти поғонали механик ёки 10 поғонали автоматик узатмалар қутиси орқали узатилади. Автомобил тўлиқ углерод толали (карбонфибре) кузов ва алюминий шассига эга бўлиб, барча қисмлар компаниянинг ўзида ишлаб чиқарилади. Кузов дизайни 1964-йилги Ле Манс 24 Ҳоурс пойгасида қатнашган АК Кобра А98 моделидан илҳомланган ҳолда яратилган.
Автомобилнинг кенглиги 1,98 метрни ташкил этади, бу эса аввалги моделларга қараганда кенгроқдир. Муҳандислар бу ўлчамни турли мамлакатларнинг йўл ҳаракати қоидаларига мослаш ва автомобилни умумий фойдаланишдаги йўлларда ҳайдашга рухсат олиш учун танлашган. Салон қисми эса классик аналог датчиклар ва замонавий рақамли сенсорли экран уйғунлигида ишланган.
“Zamin”ни Telegram'да ўқинг!
