Европалик автомобил ишлаб чиқарувчилари оммабоп оилавий моделларнинг янги авлодларида плуг-ин гибрид (ПҲEВ) тизимини сақлаб қолиш ёки бутунлай воз кечиш масаласида якдил фикрга кела олмаяптилар. Ҳозирда бозорнинг етакчи брендлари ўртасида ушбу технология келажаги бўйича жиддий баҳслар кетмоқда. Бу ҳақда Autocar.co.uk хабар беради.
ПҲEВ тизимини қўллаб-қувватлаётган томонларнинг аргументлари етарлича асосли. Автомобилни ҳам электр мотор, ҳам ички ёнув двигатели билан жиҳозлаш ишлаб чиқарувчиларга ўзига хос суғурта вазифасини ўтайди. Бу ёндашув ҳали тўлиқ электромобилга ўтишга тайёр бўлмаган ва масофа чекловидан хавотирда бўлган мижозларни сақлаб қолиш имконини беради.
Бироқ, масаланинг иккинчи томони ҳам бор. Фақат электр қуввати билан ҳаракатланувчи моделларга ўтиш ишлаб чиқариш харажатларини сезиларли даражада камайтиради. Чунки битта автомобилда икки хил мураккаб трансмиссия ва двигателни жамлаш жуда қимматга тушади.
Бундан ташқари, Европа Иттифоқининг 2035-йилдан кейин ички ёнув двигателларини тақиқлаш бўйича режалари гибрид технологияларнинг истиқболини сўроқ остида қолдирмоқда. Ишлаб чиқарувчилар ўн йилдан сўнг тақиқланиши мумкин бўлган технологияга катта сармоя киритиш ёки киритмаслик борасида қатъий қарор қабул қилишлари лозим.
“Zamin”ни Telegram'да ўқинг!
