Маҳаллий афсоналарга кўра, Генри "Гарри" Фредерик Стенли Морган (бугунги кунда ҲФС номи билан танилган) ўзининг илк транспорт воситасини Малверн тепаликлари бўйлаб велосипед ҳайдашдан чарчагани сабабли яратган экан. Бироқ, тарихий фактлар бироз бошқача ва унчалик ҳам романтик эмас. Бу ҳақда Autocar.co.uk хабар беради.
Морган Мотор Компани асосчиси ХХ асрнинг бошларидаёқ автомобиллардан фойдаланиш имкониятига эга эди. Ўша пайтларда у Малверн Линк ҳудудида гараж ва автомобилларни ижарага бериш бизнесини бошқарган. 1908-йилда у икки цилиндрли двигател сотиб олиб, унинг атрофида бир кишилик уч ғилдиракли автомобил йиғади.
Дастлаб бу шунчаки шахсий лойиҳа бўлган бўлса-да, кейинчалик у ушбу моделни оммавий ишлаб чиқаришга қарор қилади. Бугунги кунда Морган бренди ўзининг классик услуби ва ўзига хос муҳандислик ечимлари билан автомобил ихлосмандлари орасида алоҳида ўринга эга.
Матт Приор ўзининг орзусидаги автопаркни шакллантириш мақсадида ушбу коллекцияга янги Морган Супер 3 моделини қўшди. Бу автомобил Audi А2 ва Land Rover Дефендер каби машҳур моделлар қаторидан жой олиб, ҳайдовчига ҳақиқий ретро-эстетика ва замонавий динамикани ҳис қилиш имконини беради.
“Zamin”ни Telegram'да ўқинг!
