2018 йилнинг 28 ноябридан 1 декабригача Қирғизистон иқтисодиёт вазири Олег Панкратов бошчилигидаги делегация Тошкентда амалий ташриф билан бўлди. Бу ҳақда Ўзбекистон Республикаси Ташқи савдо вазирлиги матбуот хизмати хабар қилди.
Ташрифнинг асосий мақсади икки мамлакат президентларининг 2017 йилда бўлиб ўтган учрашувлари доирасида Қирғизистон ва Ўзбекистон ўртасида эришилган ҳукуматлараро келишувлар бажарилишини муҳокама қилиш бўлди.
Шунингдек, ишбилармонлик алоқаларини илгари суриш масалалари кўтарилди, савдо, транспорт ва саноат соҳасида ҳамкорлик истиқболлари муҳокама қилинди.
Томонлар Қирғизистонда қишлоқ хўжалиги техникаси, енгил автомобиллар ва автобусларни йиғиш бўйича лойиҳани муҳокама қилишди. Шунингдек, республика жанубий вилоятларида машина-техника станцияларини яратиш имкониятини кўриб чиқиш ҳамда Бишкек учун йўловчи ташиш бўйича хизматлар тақдим этишда давлат-хусусий шериклик доирасида ҳамкорлик тўғрисидаги келишувларга эришилди.
Қирғизистон делегацияси Made in Uzbekistan биринчи халқаро кўргазма-ярмаркага ташриф буюрди, у ерда Ўзбекистонда ишлаб чиқарилаётган маҳсулотларнинг кенг турлари тақдим этилди.
Ташриф чоғида Ўзбекистон Республикаси Ташқи савдо вазирлиги, Ўзбекистон Республикаси Иқтисодиёт вазирлиги, Ўзбекистон Республикаси Қишлоқ хўжалиги вазирлиги, Савдо-саноат палатаси ва Тошкент шаҳар ҳокимлигида икки томонлама учрашувлар бўлиб ўтди.
Шунингдек, таъкидланишича, олий даражадаги учрашув давомида икки давлат раҳбарлари томонидан икки томонлама савдо айланмасини 500 миллион долларга етказиш вазифаси қўйилган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Зеленский Путин борасида баёнот берди: “Тинчликни истаганлар юзига тупурмоқда”
Диний қўмита Умра зиёратини ташкил қилиш учун 12 та турфирмага лицензия берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Путин Украинадаги объектга баллистик ракета зарбаси берилганини эълон қилди
