Apple 2021 йилда ўзининг биринчи автомобилини тақдим этади

^{Фото: Economic Daily News}
Тайваннинг Economic Daily News сайти Apple 2021 йилнинг сентябрига бориб ўзининг биринчи автомобилини тақдим этишни режалаштираётганини маълум қилди. Журналистлар бу ҳақда кимлиги сир қолишини сўраган етказиб берувчиларга таяниб хабар берган.

Ҳисоботда айтилишича, Apple 2021 йилнинг иккинчи чорагида эҳтиёт қисмларнинг етказиб берилиши ҳажмини ошириш бўйича келишувга эришган. Шунингдек, компания Калифорния йўлларида ўнлаб прототиплар «махфий режимда» синовдан ўтказаётгани ҳақида сўз боради.

Apple Car — бу автомобиль лойиҳасининг шартли номи бўлиб, компания унинг устида узоқ йиллардан бери иш олиб бормоқда. Буни исботловчи қатор фактлар мавжуд: компания бунга қадар автомобиль ишлаб чиқариш соҳасида фаолият кўрсатган кўплаб топ-менежерларни ишга ёллаган, шунингдек, йўлларда Project Titan кодли номи остида автопилотни синовдан ўтказаётган машиналар пайқалган.

Going to need more than 140 characters to go over ?'s Project Titan. I call it "The Thing" pic.twitter.com/sLDJd7iYSa

— MacCallister Higgins (@macjshiggins) October 17, 2017

Компания автопилотни синовдан ўтказиш бўйича рухсатномани 2017 йилда қўлга киритган. Компания ўз автомобилини яратишга тайёрланаётгани тўғрисидаги миш-мишлар камида 5 йил олдин тарқалишни бошлаган. Хусусан, 2015 йили Apple 2019 йилгача ўз электромобилини тақдим этиши тўғрисида хабар берилганди. “Замин” янгиликларини “Одноклассники”да кузатиб боринг