Ўзбекистонда жисмоний шахсларга тегишли автомобиллар сони маълум қилинди

Ўзбекистонда жисмоний шахсларнинг автомобиллари сони 2021 йил 1 январь ҳолатига кўра 2 955 295 тани ташкил қилмоқда. Бу ҳақда Давлат статистика қўмитаси матбуот хизмати хабар берди.

Маълум қилинишича, бу ўтган йилнинг мос даврида нисбатан 14 фоизга кўп. Бунда:

• енгил автомобиллар – 2 767 126 та;
• юк автомобиллари – 168 810 та;
• автобуслар – 5 711 та;
• микроавтобуслар – 8 518 та;
• махсус транспортлар – 5 130 тани ташкил этмоқда.