20:33 / 13.07.2021
4 029

Бухорода машина ҳайдашни ўргатувчи инструктор бошқарувидаги Matiz ағдарилиб кетди


Кадр: Telegram
А-380 автомобиль йўлининг Бухоро туманидан ўтган қисмида содир бўлган йўл-транспорт ҳодисаси оқибатида бир киши жароҳат олди, деб хабар беради ИИВ ЙҲХББ ахборот хизмати.

Таъкидланишича, Ғузор—Бухоро—Нукус—Бенау автомобиль йўлининг 192-километрида Matiz автомобили ҳайдовчиси рул бошқарувини йўқотиб, бетон тўсиққа урилиши натижасида машина ағдарилиб кетган.
Авария оқибатида ҳайдовчи оғир тан жароҳати олиб, касалхонага ётқизилган.

Бухоро вилояти ИИБ ЙҲХБ матбуот хизмати раҳбари Улуғбек Шукруллаевнинг «Дарё»га маълум қилишича, машина Мудофаага кўмаклашувчи «Ватанпарвар» ташкилоти инструктори бошқарувида бўлган. Инструктор бу вақтда Қоровулбозордаги ўқув-машғулотидан қайтаётган бўлгани айтилмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Авто » Бухорода машина ҳайдашни ўргатувчи инструктор бошқарувидаги Matiz ағдарилиб кетди