Шавкат Мирзиёев 14 февраль куни машинасозлик саноатига бағишланган йиғилиш ўтказди. Унда давлат раҳбари электромобиллар ишлаб чиқариш тармоғига ҳам тўхталиб ўтди, деб хабар бермоқда президент матбуот котиби Шерзод Асадов.
«Жаҳонда электромобиллар ишлаб чиқариш жадал ривожланиб, автомобиль бозорида салмоқли ўрин эгалламоқда. Биз ҳам бу соҳада ортда қолмаслигимиз учун амалий ишларни ҳозирдан бошлашимиз керак», — дейди президент йиғилишда.
Қайд этилишича, мутасаддиларга уч ой муддатда электромобиль тармоғини ривожлантириш стратегиясини киритиш топширилган. Бунда:
- электромобиллар учун бутловчи қисм ва материалларни маҳаллийлаштириш дастурини;
- электромобиллар учун техник талаб ва замонавий стандартларни ишлаб чиқиш вазифаси қўйилган.
Шунингдек, йил якунига қадар хорижий компаниялар билан музокараларни якунлаб, стратегик ҳамкор билан лойиҳани бошлаш юзасидан кўрсатма берилган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
