Британия қироллик оиласининг бўлғуси келини Меган Маркл ижтимоий тармоқлардаги барча саҳифаларини ўчириб ташлади

  • Маданият
  • 11-01-2018, 23:00
  • 288
  • Британия қироллик оиласининг бўлғуси келини Меган Маркл ижтимоий тармоқлардаги барча саҳифаларини ўчириб ташлади
    Буюк Британия Қироллик оиласи аъзосига айланиш арафасида турган актриса Меган Маркл ўзининг Instagram, Twitter ва Facebook ижтимоий тармоқларидаги саҳифаларини ўчириб ташлади.

    2017 йилнинг декабр ойидаги кўрсаткичларга кўра, Меган Инстаграмда 1,9 миллион, Twitterда 350 минг ва Facebookда 800 минг мухлисга эга эди.

    Албатта, бундай қадам мухлислар учун кутилмаган ҳолат бўлмади. Қоидаларга кўра, қироллик оила аъзоларининг ҳеч бири ижтимоий тармоқларда ўз саҳифаларига эга бўлишлари мумкин эмас. Одатда уларнинг суратлари расмий матбуот котиблари томонидан эълон қилинади. Фақатгина герцогиня Кэртин сураткашлик билан қизиққани сабаб ўз фарзандларини суратга олиб, уларни фотожамиятларга жўнатиб туради, дейилади хабарда.