21:15 / 19.12.2022

Украинада урушнинг 298-куни: Бахмут ва Донецкдаги вайронгарчиликлар, футбол кўраётган украин аскарлар (фото)

Украинада урушнинг 298-куни ўтди. Асосий маълумотлар:

Украина президенти Володимир Зеленский Қатардаги футбол бўйича жаҳон чемпионатининг Аргентина — Франция ўртасидаги финал баҳсидан олдин видеомурожаат қилмоқчи бўлган. Аммо чемпионат ташкилотчилари, Халқаро футбол федерацияси (FIFA) бунга рухсат бермаган. Энди видеомурожаат матни Tribuna.com сайтида эълон қилинди.

Белгород области раҳбари Вячеслав Гладков Белгород шаҳри ва области ўққа тутилиши оқибатида камида саккиз киши жабрланиб, бир киши ҳалок бўлганини хабар қилди.

«ДХР» расмийлари Донецк бир кун ичида Украина қуролли кучлари томонидан тўрт бор ўққа тутилганини хабар қилди. Натижада Киров номидаги шифохона корпуси шикастланган, бир киши қурбон бўлган.

Украина президенти офиси раҳбари маслаҳатчиси Алексей Арестович Украина қуролли кучлари Россия Бош штаби бошлиғи Валерий Герасимовни йўқ қилишга ҳаракат қилганини тасдиқлади. Бу ҳақда The New York Times нашрининг россияликларнинг Украинани тезкорлик билан эгаллаш бўйича режаси нега муваффақиятсизликка учрагани ҳақидаги катта материалда келтирилади.

Қуйида 18 декабр куни Украинанинг турли ҳудудларида олинган суратлар.

Бахмутнинг ярим йиллик жанглардан кейинги кўриниши

Май ойининг иккинчи ярмидан Россия қўшини Бахмут шаҳрини (2016 йилга қадар — Артемовск деб аталган) кучли даражада ўққа тута бошлади — бу муҳим транспорт тугунида жойлашган ва украинларнинг мустаҳкамланган истеҳкомларидан бири бўлган шаҳар эди, бу шаҳар россияликларнинг Краматорск, Словянск, Северск ва Торецк томон юриши йўлини тўсиб турарди.

5 июл куни Россия қўшинлари Лисичанскни эгаллашди, август ойига келиб Бахмутнинг атрофидаги ҳудудларга киришди. Ёз охирида россияликларнинг бу йўналишдаги асосий кучи — «Вагнер» гуруҳи жангчилари — шаҳар томон бир неча километрга илгарилашди. Бир неча ойдан буён шаҳар атрофида интенсив жанглар давом этмоқда. Шу билан бирга, бир неча ойдан буён сув таъминоти, иссиқлик ва ток йўқ бўлган шаҳарда тинч аҳоли вакиллари ҳам яшамоқда.

^{Бахмут шарқида отишмалар оқибатида яксон бўлган енгил автомобил
Andre Luis Alves / Anadolu Agency / ABACAPRESS / ddp images / Vida Press}

^{Россия ракеталари келиб тушиши оқибатида вайрон бўлган беш қаватли турар жой биноси
Oleksandr Ratushniak / Reuters / Scanpix / LETA}

^{Украина қуролли кучлари жангчилари шикастланган кўприк орқали дарё ирмоғидан ўтмоқда
Diego Herrera Carcedo / Anadolu Agency / ABACAPRESS / ddp images / Vida Press}

^{Бахмут марказида турган енгил машина
Diego Herrera Carcedo / Anadolu Agency / ABACAPRESS / ddp images / Vida Press}

^{Бахмут аҳолиси вакили яқиндаги сув ҳавзасидан сув олиб келиш учун кетмоқда. Тўхтовсиз интенсив жанглар ва мунтазам отишмаларга қарамай (бунинг оқибатида шаҳарда анчадан буён сув ҳам, ток ҳам, иссиқлик ҳам йўқ), Бахмутда тинч аҳоли вакиллари қолиши давом этмоқда.
Andre Luis Alves / Anadolu Agency / ABACAPRESS / ddp images / Vida Press}
Бахмут ертўлаларидаги ҳаёт

^{Доимий зарбалар туфайли Бахмут аҳолиси вакиллари кўп вақтни ертўлаларда ўтказишига тўғри келмоқда
Diego Herrera Carcedo / Anadolu Agency / ABACAPRESS / ddp images / Vida Press}

^{Бахмут аҳолиси вакиллари украин-исроил хайрия ташкилоти «Фрида» кўнгиллилари қабулига навбат кутмоқда, бу ташкилот Украинанинг Россия тажовузидан жабрланган аҳолисига тиббий ёрдамлар кўрсатади.
Libkos / AP / Scanpix / LETA}

^{Бахмут аҳолиси вакили печкада исинмоқда
Diego Herrera Carcedo / Anadolu Agency / ABACAPRESS / ddp images / Vida Press}
Жаҳон чемпионатини томоша қилаётган украин аскарлари

^{Краматорскдаги Украина қуролли кучлари жангчилари Қатардаги жаҳон чемпионатининг Аргентина ва Франция жамоалари ўртасидаги финал учрашувини томоша қилишмоқда. Фото: Alena Yarysh / Reuters / Scanpix / LETA}
Донецк ўққа тутилиши оқибатлари

Донецк областида фронтнинг бошқа томонида Донецк шаҳрининг ўзи мунтазам равишда Украина қуролли кучлари томонидан ракета ва артиллерия зарбаларига учрамоқда. 18 декабр куни навбатдаги ҳужумлар натижасида Калинин номидаги шифохона корпусларидан бири ёниб кетган.

^{Украина томони зарбалари оқибатида «Багратион» ресторани ҳудудида чиққан ёнғин
Валентин Спринчак / ТАСС}

^{«ДХР» ўт ўчирувчилари «Багратион» ресторанидаги ёнғинни ўчирмоқда
Валентин Спринчак / ТАСС}

^{Донецкда украин ҳарбийлари томонидан берилган зарбалар натижасида шикастланган турар жой биноси
Alexander Ermochenko / Reuters / Scanpix / LETA}

^{Калинин номидаги шифохонанинг украинлар зарбасидан вайрон бўлган палатаси. «ДХР» расмийларига кўра, ҳужум оқибатида беморлардан бири оғир тан жароҳат олиш оқибатида вафот этган. Фото: Валентин Спринчак / ТАСС}

Россия ва Украина уруши