Италиялик Клементе дел Веккио 18 ёшида дунёдаги энг ёш миллиардерга айланди. Бу ҳақда Forbes хабар берди.
Дунёдаги энг бадавлат одамларнинг янги рейтингига кўра, дел Веккионинг бойлиги 3,5 миллиард долларга баҳоланган.
Энг ёш миллиардер сифатида у Германиянинг dm-drogerie дорихоналар тармоғидаги улушни мерос қилиб олган Кевин Девид Леманни ортда қолдирди.
Клементе Леонардо дел Веккионинг энг кичик фарзанди. У дунёдаги энг йирик кўзойнак ишлаб чиқарувчи Luxottica асосчиси эди. Шунингдек, Ray Ban ва Оаkley брендларига эгалик қилади, Chanel, Giorgio Armani, Prada ва Versace учун рамкалар ишлаб чиқаради.
Италиянинг энг бой одамларидан бири Леонардо дел Веккио 2022 йилнинг ёзида вафот этган.
Унинг меросхўрлари — етти нафар бола ва аёли Delfin холдингидаги улушга эга бўлди. Бу орқали тадбиркор Luxottica, Generaly суғурта компанияси, Mediobanca ва UniCredit банклари ва Covivio ривожланиш компанияси акцияларига эгалик қилган.
Май ойида Клементе 19 ёшга тўлади. Forbes’нинг қайд этишича, меросхўрнинг отанинг бизнесидаги ўрни ҳақида маълумот йўқ.
Умуман олганда, Forbes’нинг янги рейтингига 30 ва ундан кичик ёшдаги 15 миллиардер киритилган. Уларнинг энг бадавлати 30 ёшли Марк Матесчитздир. У отаси Дитрих Матесчитз вафотидан кейин Red Bull компаниясининг 49 фоиз улушини мерос қилиб олган.
Forbes рейтингидаги миллиардерларнинг ўртача ёши 65 ёшни ташкил қилади. Энг кекса иштирокчи Mercury General суғурта компанияси асосчиси Жорж Жозеф бўлиб, сентябрь ойида 102 ёшга тўлади.
“Замин” янгиликларини “Telegram”да кузатиб боринг
