Ҳеч қандай операцияларсиз ўнлаб килога озган машҳур аёллар (фото)

Юлдузлар орасида қатъият ва меҳнат ҳақиқатан ҳам ўнлаб килограммни йўқотишга ва уларнинг қиёфасини тубдан ўзгартиришга ёрдам берган кўплаб мисолларни топиш мумкин.

Адел

Бир неча йил олдин қўшиқчи Адел вазн йўқотиб, ташқи кўринишини буткул ўзгартирди. Тренерининг сўзларига кўра, биринчи навбатда юлдузнинг рационидан фастфуд ва шакар чиқариб ташланган.

Диэтолог фикри:

“Айрим маҳсулотлардан воз кечиш килолардан халос бўлишга кафолат бермайди. Натижага эришиш учун калория танқислиги керак — озиқ-овқатдан олганингиздан кўпроғини сарфланг. Бунинг учун хонанда сиртфуд диэта деб аталадиган парҳезга амал қилди. Кўриб турганимиздек, вазн йўқотишнинг бу усули жуда яхши натижа берди. Парҳезларнинг асосий хавфи шундаки, бутун умр диета қилиб бўлмайди. Ортиқча вазнга қайтмаслик учун диетани мувозанатлаш ва тўғри калория танлаш керак”.

Пластик жарроҳ фикри:

“Қўшиқчи 2019 йилда ажрашганидан кейин 40 кг вазн йўқотган. Унда жиддий пластик жарроҳлик белгилари йўқ, лекин Адел косметологларнинг хизматларидан фаол фойдаланади, деб тахмин қилиш мумкин: парвариш қилиш процедуралари, филлер ва ботокс инексиялари. Ўша пайтда хонанда 34 ёшда бўлган, бу ёшда жарроҳлик аралашувисиз вазн йўқотиш мумкин”.

Ребел Уилсон

43 ёшли актриса Ребел Уилсон 20 килога озиб, мухлислариларни ҳайратда қолдирди. Машҳур комедиячи бундай натижага тезда эришмади. У турмуш тарзини тубдан ўзгартирди: жисмоний машғулотларга қатнади, сут маҳсулотлари, шунингдек, шакар ва глютенни ўз ичига олган маҳсулотларни истеъмол қилишдан тийилди.

Диэтолог фикри:

“Йилига 19 кило — саломатликка зарар етказмасдан эришиш мумкин бўлган адекват натижа. Ижтимоий тармоқлардаги нашрларга кўра, актриса ўзини яхши ҳис қилмоқда ва энг муҳими, унинг ўзига янги турмуш тарзи ёқади. Шу билан бирга, актриса вазн йўқотишда руҳий саломатлик учун фойдали бўлган ширинликлардан ўзини чекламайди”.

Пинк

Пинк қизи туғилгандан кейин 23 кило йўқотди. Хонанда интенсив машғулотлар туфайли формага қайтди.

Диэтолог фикри:

“Ҳафтада 5 кун тўлиқ машғулотларга қатнашиш? Тўғри овқатланиш ва махсус қўшимчаларсиз тана бундай юкни кўтара олмайди. Пинк иккита энг яхши америкалик фитнес-тренернинг қаттиқ назорати остида вазн йўқотган. Унинг учун ёғларни йўқотувчи ва Л-карнитинни ўз ичига олган ҳолда махсус меню ишлаб чиқилган”.

Рене Зеллвегер

Рене Зеллвегер бир неча ой ичида 15 кг йўқотди. Америкалик актрисанинг вазн йўқотиш жараёни диетолог томонидан назорат қилинди. Юлдуз учун Аткинс диетаси — паст калорияга асосланган индивидуал овқатланиш тизимини ишлаб чиқдилар. Рене ҳам доимий равишда машғулотларда қатнашди.

Диэтолог фикри:

“Ташқи кўринишдаги ўзгаришларга онгли равишда ёндашиш учун ҳам мутахассис керак. Мутлақо ҳамма учун мавжуд бўлган уйғунлик ва ёшликнинг ягона сири — овқатланишда мувозанатни топиш, танани тинглаш ва сигналларга ўз вақтида жавоб беришдир”.

Мерайя Керри

54 ёшли Мерайя Керри кўп йиллар давомида вазн йўқотишга ҳаракат қилди. 2018 йилда юлдуз жарроҳлик амалиёти ёрдамида ошқозонига бандаж қўйдирди. Шунингдек, у диетасини тубдан ўзгартирди.

Диэтолог фикри:

“Ҳар қандай кўринишда шакардан воз кечган Мерайя озгина мева ейиши мумкин. Фикримча, бу тўғри эмас. Қайта ишланган маҳсулотларни рациондан чиқариб ташлаш, уни мева, резаворлар, асал билан алмаштириш ҳар доим ҳам фойда бермайди. Қонда углевод етишмаслиги паст даражадаги глюкоза билан боғлиқ касалликларнинг ривожланишига олиб келиши мумкин. Ҳамма нарса меъёрида фойдали эканини унутмаслик керак”.