Қозоғистонда Президент администрацияси тузилмаси қайта ташкил этилди

Қозоғистон президенти Қосим-Жўмарт Тўқаев давлат раҳбари администрациясини қайта ташкил этиш тўғрисидаги фармонни имзолади, унга кўра администрация раҳбари ўринбосарлари лавозимлари тугатилди.

“Ушбу ҳужжатга мувофиқ, Президент администрациясининг янгиланган тузилмаси қуйидагилардан иборат бўлади:

• Президент администрацияси раҳбари;
• хавфсизлик кенгаши котиби;
• Президент канселярияси раҳбари;
• президент ёрдамчилари;
• президент маслаҳатчилари;
• Президент администрацияси бўлимлари”, — дейилади президент матбуот хизмати хабарида.

Бундан ташқари, президентнинг ички сиёсат ва коммуникациялар, иқтисодиёт, халқаро муносабатлар, ҳуқуқ, шунингдек, фан ва инновациялар бўйича ёрдамчилари лавозимлари ташкил этилмоқда.

Шухрат Раззаков

«ЗАМИН.УЗ» муҳаррири