Макрон Кремль баёноти туфайли зудлик билан Европа етакчиларини йиғмоқда

^{Фото: AP Photo}
Европанинг 20 га яқин етакчилари 26 февраль куни Парижда учрашади. Бу ҳақда The Guardian хабар берди.

Франция президенти Эммануэль Макроннинг сўзларига кўра, улар Кремлнинг “Россия Украинага қарши урушда муқаррар равишда ғалаба қозонади” деган даъволарига қарши чиқмоқчи. Йиғилиш ташаббускори Макрон ҳисобланади ва у сўнгги бир неча ҳафта ичида Россия агрессияси кучайгани сабабли шошилинч йиғилиш ўтказмоқда.

“Биз Путинга Украинада ғалаба қозонмаслиги ҳақида жуда аниқ сигнал юбормоқчимиз. Мақсадимиз у қандайдир тарзда ғалаба қозонишига ишонишимизни хоҳлаётган бу ғояни йўқ қилишдир”, — дея Макроннинг сўзларидан иқтибос келтиради унинг маслаҳатчиси.

22 февраль куни Польша президенти Анжей Дуда франциялик ҳамкасби урушдан зарар кўрган Украинага ёрдам кўрсатиш бўйича таклифларни муҳокама қилиш Европа етакчиларини Парижга таклиф қилишини ёзди.

“Президент Макрон бир қатор Европа етакчиларини Украина бўйича янги таклифлар ва ечимларни муҳокама қилиш учун таклиф қилди. Польшадан ташқари, кўплаб мамлакатлар раҳбарлари таклиф этилган”, — деди Дуда.

Украинага Европа Иттифоқи ёрдами

Европа Иттифоқи урушдан жабрланганларни қўллаб-қувватлаш учун 83 миллион евролик гуманитар ёрдам беради. Маблағнинг катта қисми Украинага етказиб берилган.

Европа Иттифоқи етакчилари 2024—2027 йилларга мўлжалланган “Ukraine Facility” дастури доирасида Украина учун 50 миллиард евро ажратишни маъқуллаган. “Замин” янгиликларини “Telegram”да кузатиб боринг