Фаластин тарафдорлари намойишлари бутун дунё университетларини қамраб олмоқда

^{Фото: dpa}
Исроилнинг Ғазодаги ҳарбий ҳаракатларига қарши норозилик намойишлари АҚШдан кейин Германия, Франция, Астралия ҳамда Мексика унвиверситетларини ҳам қамраб олди, дея Deutsche Welle хабар берди.

3 май куни Берлиндаги Ҳумболдт университетида навбатдаги норозилк намойишлари бўлиб ўтган. 30 га яқин иштирокчи университетнинг бош биносига киришни тўсиб қўйган.

Университет раҳбари талабаларни агар уларнинг норозилиги тинч йўл билан якунланса, музокара уюштиришни таклиф қилган, бироқ рад жавобини олган. Намойишчилар Германияда тақиқланган, Исроилга қарши “Дарёдан денгизгача” шиорини айтишган.

Исроилнинг Германиядаги элчиси Рон Прозор Gumboldt университетидаги митингдан ғазаби чиққанини билдириб, намойишчилар яҳудийларга нисбатан нафрат ва зўравонликни улуғлаганини таъкидлаган.

"Биз гижгижлаш, террорчилик ва зўравонликка тоқат қилмаслигимиз керак", — дейди у Х ижтимоий тармоғида.

3 май куни Франция пойтахти Парижда Scienceс Pо университетида юзга яқин фаластин тарафдорлари иш ташлаш эълон қилган. Университет онлайн режимга ўтган ва аксарият бинолар ёпиқлигича қолган.

Худди шу куни Австралияда Фаластин ва Исроил тарафдорлари Сидней университетида тўқнаш келишган. Кескин фикр алмашинувларга қарамай, митинг тинч якунланган.

Мексикада Фаластин тарафдори бўлган ўнлаб талабалар мамлакатнинг энг йирик университети бўлмиш Миллий автоном университет ёнида лагер ташкил қилган. “Замин” янгиликларини “Facebook”да кузатиб боринг