UFC 305. Дю Плесси Исраэл Адесаняни мағлубиятга учратиб чемпионлик камарини сақлаб қолди

Австралиянинг Перт шаҳрида UFC 305 мусобақаси бўлиб ўтди. Мусобақанинг асосий жанги ўрта вазн тоифаси вакиллари Дрикус дю Плесси ва Исраэл Адесаня ўртасида кечди.

Биринчи раундда икки спортчи ҳам бир-бирини ўрганиш билан ўтказди. Спортчилар қўл ва оёқ зарбалари билан рақибга таъсир ўтказишга ҳаракат қилди.

Иккинчи раундда Дю Плесси жанг услубини ўзгартириб рақибини партерга олишга ҳаракат қилди. Биринчи партердан Исраил чиқиб кетишни уддалади. Аммо Адесаня иккинчи раундни тўлиқ ҳимояда вақт ўтказди.

Учинчи раундда аввалига Адесаня устунлик қилишни бошлади, Кейин устунлик рақибига ўтди. Дрикус дю Плессининг зарбалари сони ва аниқлик даражаси ортди. Спортчилар бу раундда ҳам партерга боришни хоҳламади.

Тўртинчи раундда Дю Плесси рақибини яхши ўрганди ва партерга олишга ҳаракат қилди. Адесаняни бўғиш услубига олиб ўтган Дю Плесси партерда рақибини мағлубиятга учратди. Шу тариқа Дю Плесси камарини ҳимоя қилишга эришди.

Дю Плесси январь ойида Шон Стриклендни мағлуб этиб, ўрта вазн тоифасида чемпионга айланган эди.

Адесаня эса 2023 йил сентябрь ойида Стриклендга имкониятни бой бериб, титулдан ажралган эди.

Cо-маин эвентъда Кай Кара-Франс ва Стив Эрсег жанг қилди. Баҳсда Кай Кара Франс биринчи раунднинг ўзидаёқ рақибини техник нокаутга учратди.

Асосий картдаги жанглардан бирида янги зеландиялик Ден Хукер (24-12) ва полшалик Матеуш Гамрот (24-3) билан жанг қилинди.

Хукер очколар эвазига рақибини мағлуб этди: 29—28, 28—29, 29—28.

Хукер кетма-кет учинчи жангида ғалаба қозонди, Гамрот учта ғалабадан иборат серияни бузди.

- Жаирзинё Розенстраик (15-5) Тай Туивасани (14-8) мағлуб этди: 30—27, 29—28, 27—30;
- Ли Жинглианг (19—9) иккинчи раундда Карлос Пратесга (20—6) нокаут билан ютқазди. “Замин” янгиликларини “Telegram”да кузатиб боринг