Фото: Jemal Countess/UPI Photo/Newscom/picture alliance
АҚШ президентлигига мустақил номзод кичик Роберт Кеннеди сайлов кампаниясида иштирок этишдан бош тортди ва Республикачилар партиясидан номзод, Оқ уй собиқ раҳбари Доналд Трампни қўллаб-қувватлашини маълум қилди. Кеннеди 23 август, жума куни таъкидлаганидек, Пенсилвания судига президентлик пойгасидан чиқиш тўғрисида ариза билан мурожаат қилди, деб хабар беради AP ахборот агентлиги мухбири сиёсатчининг Аризонада режалаштирилган чиқиши олдидан.«Мен сайловда ғалаба қозониш учун реал йўлим борлигига энди ишонмайман», деди Кеннеди матбуот анжуманида.
Кеннеди иштирокидаги тадбирдан бир неча соат ўтиб, яқин атрофдаги Глендейлда Трамп сайловолди митинги режалаштирилган. Унинг кампанияси аввалроқ тадбирда «махсус меҳмон» иштирок этишини эълон қилган эди, бироқ икки сиёсатчининг жамоаси бу меҳмон Роберт Кеннеди эканига аниқлик киритмади.
Бир ҳафтадан камроқ вақт олдин кичик Кеннеди сайлов бюллетенига киритилиши учун керакли миқдордаги имзоларни топширган эди.
Кеннеди ва Трамп яқинда бир-бирини танқид қилганди
Бир йил аввал баъзи кузатувчилар Демократик партия тарихидаги энг обрўли оила аъзоси Кеннеди демократни Оқ уйга киритмаслик учун Трамп билан бирга ишлашини ақлга сиғдириб бўлмас деб ҳисоблашган, деб ёзади Reuters. Сўнгги ойларда у Трампни ўз тарафдорларига хиёнат қилганликда айблади, у эса Кеннедини «президентлик пойгасидаги энг радикал сўл номзод» сифатида танқид қилди. Аммо сўнгги ҳафталарда икки номзоднинг жамоаси бир-бирини мақташни бошлади ва бу масаладан хабардор Reuters суҳбатдошларига кўра, кучларни бирлаштириш ҳақида саҳна ортидаги муҳокамаларга киришди.
Куни кеча, 22 август куни Чикагодаги Демократик партиянинг миллий қурултойида АҚШ вице-президенти Камала Ҳаррис АҚШ президентлигига номзод сифатида илгари сурилишига расман розилик берди. Ундан аввал Миннесота губернатори Тим Уолз Демократик партиядан АҚШ вице-президентлигига номзод сифатида кўрсатилишини қабул қилди.
АҚШда президентлик сайловлари 2024 йил 5 ноябрда бўлиб ўтади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Австралияда балиқчилар тўрига илиниб қолган 13 метрли китга ёрдам кўрсатилди
Трамп президентлик сайловида ғалаба қозонса Илон Маскка Оқ уйдан лавозим таклиф қилади
Илон Маск ҳар доим шу саволни беради ва суҳбатдоши ёлғон гапирса, дарҳол билиб олади
Хитой компаниялари Россияга тўғридан-тўғри товар етказиб беришдан бош тормоқда
Устозининг ўғлига кўнгил қўйган, ноёб қобилият эгаси Юлдуз Турдиева 39 ёшда
Германия: Россия урушни тугатиш бўйича музокараларга тайёр эмас
Аббосбек ўзининг устун жиҳатлари ва камчиликлари ҳақида гапирди
Трамп Жон Кеннеди ўлдирилиши ҳақидаги ҳужжатларни махфийликдан чиқаришга ваъда берди
