Фото: Сергей Бобылев / ТАСС
Россия Федерациясининг Брянск областида «қуролланган шахслар гуруҳи»нинг Россия-Украина чегарасини бузиб ўтишга уриниши тўхтатилди, деди минтақа раҳбари Александр Богомаз 27 октябр, якшанба куни. Унинг сўзларига кўра, ҳодиса Климовский райони Манев аҳоли пункти ҳудудида содир бўлган, у ерда ҳозирда аҳоли йўқ.
Ҳужумни қайтаришда чегарачилар, ҳарбийлар ва Россия гвардияси жангчилари иштирок этди. «Душманга қарата ўт очилди», деб ёзди Богомаз Telegram-каналида. Губернаторнинг қўшимча қилишича, Климовский районидаги вазият ҳозирда «барқарор» ва ҳокимият назоратида.
РФнинг бир қанча минтақалари учувчисиз учоқлар ҳужумига учради
20 октябрга ўтар кечаси Россиянинг бир қанча ҳудудлари учувчисиз учиш аппаратлари томонидан оммавий ҳужумга учради. Хусусан, Россия Федерацияси пойтахти, Москва, Липецк ва Орёл областлари хавф остида қолган.
Пойтахт мэри Сергей Собянин «Москва томон учган» дрон Раменское шаҳар округида уриб туширилганини айтди. «Дастлабки маълумотларга кўра, парчалар тушган жойда вайроналар ва қурбонлар бўлмаган», — деб ёзди Собянин Telegramʼдаги каналида.
Россиянинг бошқа минтақалари ҳам дрон ҳужумларига учраган. Хусусан, Липецк области губернатори Игор Артамонов Липецк осмонида «УУА бостирилганини» айтди. Артамоновнинг сўзларига кўра, учиш аппарати қолдиқлари Сирский Рудникнинг микрорайонига тушган. «Мутахассислар воқеа жойида ва дроннинг қолган қисмларини зарарсизлантирмоқда», деб ёзган у.
Орел области губернатори Андрей Кличков ҳам 19 октябр оқшомида йирик учувчисиз учоқлар ҳужуми ҳақида хабар берди. Унга кўра, Россия ҳаво ҳужумидан мудофаа тизимлари минтақа узра 11 та Украина дронини йўқ қилган.
Брянск области губернатори Александр Богомаз 19 октябр оқшомида камида тўртта Украина дронининг «йўқ қилингани» ҳақида хабар берди.
Брянск, Липетск ва Орёл областларига қилинган ҳужумлар натижасида қурбонлар ва вайронагарчиликлар йўқ, деди минтақа раҳбарлари. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Путин эҳтимолий музокараларда Украинага имтиёзлар берилмаслигини айтди
БМТ Марказий Осиёни «Тинчлик, ишонч ва ҳамкорлик ҳудуди» деб эълон қилди
Тадқиқот: Кашандалар бошқалардан икки ярим ҳафта кам ишлайди
Хитой таълими: болани қандай қилиб “суперодам” қилиб тарбиялаш мумкин?
Путин Фаластин халқига нисбатан тарихий адолатсизликни тузатиш зарурлиги ҳақида гапирди
Гуржистондаги сайловларда россияпараст партия ғолиб чиқди
Анчелотти саккиз марта оффсайдга тушган Мбаппе ҳақида нима деди?
Путин Курск областида украиналик 2000 ҳарбий қуршовда қолганини айтди