Ёқутистонда ҳаво ҳарорати -56 даражагача пасайди

2025 йилнинг 1 январ тонгида Ёқутистоннинг кўплаб аҳоли масканларида -50 даражадан паст ҳарорат қайд этилди. Хусусан:

-50°С — Сангар, Югорёнок, Уст-Мая;
-51°С — Охотский Перевоз, Итиккўл, Уст-Мил;
-52°С — Крест-Халжай, Намци;
-53°С — Покровск, Амга;
-54°С — Чурапча, Батамай;
-56°С — Оймакон.

Эслатиб ўтамиз, Ёқутистон — дунёда одам яшайдиган энг совуқ ҳудуд. 1926 йилда геолог Обручев Оймаконда Целсий бўйича −71,2 даража совуқ ҳароратни қайд этган.

-60 даража совуқда инсоннинг ҳимояланмаган юзи салгина шабада эсса сониялар ичида музлаб қолади, термометрдаги симоб музлайди, аксарият автомобиллар умуман ўт олмайди. «Замин»ни Telegram’да ўқинг!