Жанубий Кореяда тезюрар автомагистралдаги қурилиш ишлари вақтида кўприкнинг қулаши оқибатида уч киши ҳалок бўлди, беш киши яраланди. Бу ҳақда Yonhap агентлиги хабар бермоқда.
Ҳодиса тафсилотлари
Фожиа 25 февраль куни маҳаллий вақт билан 09:49 да Сеул – Сежонг автомагистрали участкасида содир бўлди. Ҳодиса рўй берган вақтда ишчилар кран ёрдамида устунлар орасидаги пўлат конструкцияни кўчираётган эди.
Кўприк қулаган пайтда унинг остида саккиз нафар ишчи бор эди. Уларнинг уч нафари ҳалок бўлган, беш нафар жабрланувчи эса жароҳатланган ҳолда шифохонага етказилган.
Қутқарув ишлари ва расмий реакциялар
Жанубий Корея Миллий ёнғин агентлиги бедарак йўқолганлар бўлиши мумкинлиги сабабли қидирув-қутқарув ишларига ўт ўчирувчиларни сафарбар қилди.
Шунингдек, мамлакат президенти вазифасини бажарувчи Чхве Сан Мок ҳодиса жойида қутқарув ишларини олиб бориш учун барча ресурслар ва ходимларни жалб этиш бўйича шошилинч топшириқ берди.
Ҳозирда ҳодиса сабаблари ўрганилмоқда ва Жанубий Корея ҳукумати ушбу фожианинг такрорланишининг олдини олиш учун хавфсизлик чораларини кучайтиришни режалаштирмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
