Россияликлар май байрамларида Ўзбекистонга сафар қилмоқчи

Ўзбекистон 2025 йил май байрамларида россиялик туристлар учун оммабоп йўналишлардан бирига айланди, деб хабар берди nova24.uz ТАСС агентлигига таяниб.

Маълумотларга кўра, 2024 йилнинг шу даврига нисбатан россияликларнинг май байрамларида хорижга чиқиш талаби 30% га ошган. Ушбу байрам кунларида тахминан 900 минг россиялик турист хорижга сафар қилишни режалаштирган.

Россияликлар орасида энг катта талаб Туркия (45%) ва Миср (20%) сафарларига бўлган. Шунингдек, БАА (11%), Тайланд (5,5%) ва Вьетнам (4%) ҳам оммабоп йўналишлар қаторига кирган.

Ўзбекистон ҳам россиялик туристлар учун қизиқарли йўналишлардан бири сифатида қайд этилган. Бундан ташқари, Мальдив ороллари, Абхазия, Хитой, Беларус ва Грузия ҳам қизиқиш уйғотмоқда, шунингдек, халқаро денгиз круизлари ҳам оммалашмоқда. «Замин»ни Telegram’да ўқинг!