Индонезияда вулқон отилди: аҳоли огоҳлантирилди, хавф даражаси кўтарилди

Индонезиянинг шарқий қисмида жойлашган Левотоби Лаки-лаки вулқони яна фаоллашди. CNBC Indonesia ва Central Asia нашрларининг ёзишича, мазкур табиий ҳодиса минтақа аҳолисини ва расмий идораларни жиддий хавотирга солмоқда.

Тутун устуни осмонга чиқди

Вулқондан кўтарилган кул ва ғувалланган тутун устуни 5,5 км баландликка, яъни денгиз сатҳидан тахминан 7 минг метргача етиб борди. Огоҳлик даражаси оширилди, ҳукумат вулқон фаоллигини III даражадан IV даражага кўтарди — бу эса энг юқори хавф белгиси ҳисобланади.

Шамол кулни тарқатмоқда

Мутахассисларнинг қайд этишича, шамолнинг доимий ҳаракати кул заррачаларини кенг ҳудудга тарқатмоқда. Бу эса вулқон фаоллигининг ҳали ҳам беқарор ва юқори даражада эканидан далолат беради. Шу сабабли фуқароларга табиий хавф эҳтимоли бор ҳудудлардан узоқда бўлиш тавсия этилмоқда.

6–7 км радиусда яқинлашиш тақиқланди

Маҳаллий ҳокимият ва қутқарув хизмати аҳолига, айниқса, сайёҳларга вулқон атрофида 6–7 км радиусга яқинлашмасликни, ҳамда хотиржамликни сақлашни тавсия қилди. Ёмғирли об-ҳаво шароитида лава оқимлари ва тошқин хавфи ҳам эътибордан четда қолмаслиги таъкидланди.

Zamin.uz таҳририятидан:
Левотоби вулқонининг фаоллашуви Индонезиянинг сейсмик жиҳатдан фаол минтақа эканини яна бир бор эслатмоқда. Табиий офатларга тайёрлик ва хавфсизлик чораларини кўриш – ҳар бир фуқаронинг ва давлат органларининг биринчи вазифасидир. Биз жараённи диққат билан кузатамиз. «Замин»ни Telegram’да ўқинг!