Фордо ядро иншоотининг портлашдан кейинги тасвирлари пайдо бўлди

22-июн куни олинган янги сунъий йўлдош тасвирларида Фордо ядро иншоотида олтита янги кратер кўринмоқда — бу, эҳтимол, АҚШ ўқ-дориларининг кириш нуқталари бўлиб, ер юзасидаги кулранг тусдаги доғлар эса портлашлар натижасида учиб чиққан бетон қолдиқлари бўлиши мумкинлигини кўрсатмоқда.

АҚШлик генералнинг маълум қилишича, дастлабки жанговар зарар баҳосига кўра, учала объект ҳам ниҳоятда жиддий даражада шикастланган ва вайрон қилинган. Етказилган зарарнинг тўлиқ миқёсини баҳолаш бироз вақт олиши мумкин.

Маълумот учун АҚШ томонидан 6 та 13.5 тонналик МОП (Массиве Орднанcе Пенетратор – оғир кирувчи) бомба ишлатилган. Бомбалар кирган жойда катта портлаш эффекти кўринмайди, чунки бомба кириш нуқтасида эмас, иншоотнинг чуқурроқ қисмида портлаш учун мўлжалланган.

Тасвирда учта алоҳида ўқ-дори иккита алоҳида зарба нуқтасига ташланганини кўриш мумкин. Туннелга кириш жойлари тўсиб қўйилган кўринади. Уларнинг яқинида ҳеч қандай кратер ёки зарба нуқтаси кўринмагани сабабли, бу Эроннинг кириш жойлари ҳаводан бомбардимон қилинишининг олдини олиш учун атайлаб қилган ҳаракати бўлиши мумкин.

Эрон Атом Энергетикаси Ташкилоти бу учта ядро объектининг бомбардимон қилинишини “халқаро ҳуқуқнинг ваҳшиёна бузилиши” деб атади.

Саудия Арабистони ва БМТнинг ядро кузатув органи — Халқаро Атом Энергетикаси Агентлиги (ИАEА) эса ҳужумдан кейин радиация даражасида ҳеч қандай ўсиш кузатилмаганини айтди.

Эрон давлат телеканалининг сиёсий масалалар бўйича ўринбосари Ҳасан Абедини давлат телевидениесида чиқиш қилиб, Эрон бу учта ядро объектини “бир оз вақт олдин” эвакуация қилганини маълум қилди. У, шунингдек, “асосий зарба етказилмади, чунки материаллар аллақачон олиб чиқилган эди”, деб қўшимча қилди. «Замин»ни Telegram’да ўқинг!