Фантастика ёки илмий хаёл эмас — бу саҳифалар ҳақиқат ва тарихдаги энг ҳайратланарли космик воқеалардан бири. Sotheby’s кимошди уйи Нью-Йоркда июль ойининг энг интригали аукционини эълон қилди: 16 июль куни аниқ Марсдан ажралган ва Ерга етиб келган энг катта метеорит савдога қўйилади, деб хабар берди bild.de.
Экспертлар бу космик экспонатни ҳақиқий "коллекционерлар учун хазина" деб атайди — NWA 16788 номини олган метеорит 25 килограмм оғирликка эга ва савдоларда нархи 4 миллион долларгача чиқиши мумкин. 2023 йили Нигерда топилган ушбу тош нафақат оғирлиги, балки яхши сақланганлиги билан ҳам ажралиб туради. "Бу, шунчаки катта тош эмас — бундай даражада тўла сақланган, аниқ манбага эга космик объект дунёда жуда кам учрайди", дейилади Sotheby’s шарҳларида.
Олимларнинг фикрича, NWA 16788 миллиард йиллар илгари Марснинг қатор катта астероидлардан бири билан тўқнашуви натижасида ажралган. Тарихий саёҳатдан кейин у Ерга етиб келиб, Нигер чўлларидан бирига тушган ва 2023 йилда маҳаллий топувчилар томонидан кашф этилган. Шу пайтгача бутун дунёда 400 га яқин Марсга тегишли метеорит аниқланган бўлиб, уларнинг аксарияти бир неча грамм ёки ундан ҳам камроқ оғирликка эга. Шу боис NWA 16788 космик фан учун ҳақиқий сир ва нодир топилма бўлиб қолмоқда.
Sotheby’s вакиллари ушбу тошни "Марс ва Ер тарихи ўртасидаги кўприк", деб атади. Коллекционерлар ва метеорит ихлосмандлари учун бу аукцион нафақат моддий қиймат, балки фан ва тарих учун бебаҳо топилмага айланиши мумкин.
16 июль куни кимошдида савдо қай даражага чиқади ва NWA 16788 қайси коллекцияга тушиши ҳозирча сир. Бир нарса аниқ: Марсдан етган бу метеорит тарих саҳифаларига яна бир ажойиб воқеа сифатида киритилади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
