Пиццани тўлиқ тушуниш учун уни айнан ўзи туғилган жойда — Неапол шаҳрида татиб кўриш зарур, деб ҳисоблайди машҳур италиялик пицца устаси Даниэле Удити. У АҚШда 15 йилдан ортиқ вақт яшашига қарамасдан, ўзини ҳали ҳам ҳақиқий неаполлик деб билади.
"Қаерда яшашимдан қатъи назар, мен ҳар доим Неаполлик бўлиб қоламан," дейди у BBC нашрига берган интервьюсида. Шу билан бирга, пиццанинг ўзи ҳам айнан Неаполда дунёга келган. Унинг ихтироси кўпчиликнинг фикрича, 19-асрда шеф Раффаэле Эспозито томонидан амалга оширилган бўлиб, у Италия байроғининг ранглари асосида оқ, қизил ва яшил ингредиентлардан иборат махсус пицца яратган.
Удити, 2022 йили Hulu платформасида намойиш этилган “Best in Dough” пицца танловида ҳакам сифатида қатнашган ва бутун дунё бўйлаб пицца турлича тайёрланишини тан олган ҳолда, пиццанинг ҳақиқий таъмини айнан Неаполда ҳис қилиш мумкинлигини таъкидлайди.
Неаполда пицца ейиш бошқа дунё
“Пиццани англаш учун сен уни айнан унинг ватанида, портфельча каби ўралган ҳолда ейишинг керак”, – дейди у “al portafoglio” услубини назарда тутар экан. Бу — кўчада ейиш учун икки марта ўралиб, портфель шаклида бериладиган Неапол пиццаси тури. “Шаҳарнинг шовқин-сурони ичида, қўлида пицца қутиси билан юрган ва телефонда гаплашаётган неаполликларни кўра туриб, ҳақиқий пицца тажрибасини ҳис қиласан.”
Пицца жуда катта бўлиши мумкинми? “Албатта, у мукаммал эмас”, тан олади Удити. “Неапол пиццаси ҳунарманд маҳсулот — ҳар доим айлана шаклида бўлмаслиги мумкин. Лекин у Неапол шаҳрининг ўзи каби: камчиликлари бор, лекин ҳар бир бўлагидан сўнг ҳаммаси маънога эга бўлади.”
Даниэле Удити тавсия қилган Неаполдаги энг яхши 6 пиццерия
1. Ҳамма учун мос классика: Pizzeria La Notizia 53 (Enzo Coccia)
Шаҳарнинг яшил ва баланд жойда жойлашган Каподимонте туманида жойлашган ушбу пиццерияга ҳар хил тоифадаги мижозлар ташриф буюради: профессорлардан тортиб, талабалар, жуфтликлар — ҳаммаси бу ерда. Удитининг таъкидлашича, Enzo Coccia тайёрлайдиган классик Маргарита пиццаси бу ердаги энг машҳур танлов.
“Унинг Маргаритаси — уч асосий ингредиент ўртасидаги мукаммал мувозанат. Ҳеч бири ортиқча эмас, ҳаммаси бир-бирини тўлдиради”, дейди Удити.
2. Энг ёғсиз ва енгил монтанара: Antonio Starita
Рионе ди Санита маҳалласи ёнида жойлашган Antonio Starita пиццерияси нафақат ўз пиццалари, балки Неаполнинг севимли кўча таоми — монтанараси билан машҳур. Бу чуқур ёғда қовурилган хамир бўлиб, устидан томат соуси, янги моцарелла ва райҳон қўшилади.
Удитининг таъкидлашича, бу ерда хамир умуман ёғли бўлмайди, юпқа ва енгил тайёрланади. “Соуси эса олдиндан пиширилган бўлиши керак. У сугога ўхшайди — жуда мазали ва чуқур таъм беради.”
Қаторлардаги узун навбатни четлаб ўтиш бўйича маслаҳати: “Очилиш пайтида эмас, тушдан кейин ёки тунги пайт, ёпилишга яқин боринг. Шунда сизга албатта жой топилади.”
3. Анъанавий рецептларга замонавий ёндашув: Pizzeria Concettina ai Tre Santi
Рионе Санита ичида жойлашган ушбу пиццерияни энди эгасининг набираси — ёш ва иқтидорли шеф Чиро Олива бошқаради. Удити уни “анъанани сақлаб, зерикарли қилмайдиган шеф” деб таърифлайди.
Бу ерда нафақат классик пиццалар, балки бетакрор таомлар ҳам бор. Масалан, Fondazione San Gennaro — калбаса, қовурилган провола пишлоғи ва таррало 'нзонья э пепе (чучук ва бодомли анъанавий крекерлар) қўшилган улкан пицца.
“Пицца одатда юмшоқ бўлади, у эса текстура киритишни бошлади”, дейди Удити. “Келинг, крекерни пиццага солайлик, деб ўйлади ва бу иш берди.” «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
